දිනසේන රතුගමගේ –
ජනාධිපතිවරණයට ස්වාධීන අපේක්ෂකයෙක් ලෙස නාම යෝජනා භාරදීම සඳහා ඉන්දියාවේ වෛද්ය ප්රතිකාර ලබමින් සිට රටට පැමිණෙන දෙමළ ජනතා සන්ධානයේ මහ ලේකම් එම්.කේ ශිවාජිලිංගම් හිටපු පාර්ලිමේන්තුමන්ත්රීවරයා ගුවන් තොටුපලේදී අත් අඩංගුවට නොගන්නා ලෙස අධිකරණයට පෙත්සමක් ඉදිරිපත් කිරීමට ඔහුගේ නීතිඥවරු පියවර ගනිමින් සිටියි.
2019 වසරේ දී ආරක්ෂක අංශ විසින් ඉඩම් අත්පත් කර ගැනීමක් සම්බන්ධයෙන් මුලතිව් ප්රදේශයේ පැවති විරෝධතාවයකදී රාජ්ය දේපලවලට හානි සිදු කිරීම හා රාජ්ය නිලධාරීන්ගේ රාජකාරියට බාධා කිරීම යන කාරණා මත පනවන ලද නඩුවක් හේතුවෙන්මන්ත්රීවරයාව අත් අඩංගුවට ගැනීමට පොලීසිය සූදනම් වීමත් සමගම මෙම පෙත්සම ඉදිරිපත් කිරීමට බලාපොරොත්තු වෙයි.
මේ වන විටමන්ත්රීවරයා ඔහුගේ හෘද රෝගී තත්ත්වයට ප්රතිකාර ලබා ගැනීම සඳහා ඉන්දියාවට ගොස් සිටින අතර ඔහු ආපසු පමිණෙන විට යාපනය ජාත්යන්තර ගුවන් තොටුපලේදී ඔහුව අත් අඩංගුවට ගැනීමට පොලිසිය සූදානම් සිටින බව දෙමළ ජනතා සන්ධාන පක්ෂයට දැන ගැනීමට ලැබීමෙන් පසුව පෙත්සම ඉදිරිපත් කිරීමේ කටයුතු සූදානම් කරමින් ඇත.
ශිවාජිලිංගම් හිටපු මන්ත්රීවරයා ඉන්දියාවට යාමට පෙර යාපනයේදී මාධ්යවේදීන් අමතා කියා සිටියේ තමන් මෙවර ජනාධිපතිවරණයේදී ස්වාධීන අපේක්ෂකයෙකු ලෙස තරග කරණ බවයි.
ඔහුගේ එම අදහස මේ දක්වා වෙනස් වී නොමැති බව පවසන දෙමළ ජනතා සන්ධානය නාම යෝජනා ලබා දෙන කාලය ඇතුළත ඔහු ඉන්දියාවේ සිට පැමිණීමට කටයුතු සූදානම් කරගෙන යන බවද සඳහන් කළේය.
