අපේක්ෂකයන් 3 දෙනෙක් වෙත 1, 2, 3 ලෙස මනාප සලකුණු කිරීමට ත් අවස්ථාව සලසමින් 2024 ජනාධිපතිවරණයට අදාලව ඡන්දය ප්රකාශයට පත් කරන පිළිවෙළ මැතිවරණ කොමිෂන් සභාව විසන් නිවේදනය කර තිබේ.
මෙවර අපේක්ෂකයින් තිදෙනෙකුට වැඩි පිරිසක් ජනාධිපතිවරණය සඳහා ඉදිරිපත් වී ඇති බැවින් එක් අපේක්ෂකයෙකුට ඡන්දයත් අපේක්ෂකයින් දෙදෙනෙකුට දෙවන හා තුන්වැනි මනාපත් ඡන්ද පත්රිකාවක ලකුණු කිරීමේ හැකියාව තිබෙන අතර අවශ්ය නම් එක් ඡන්දයක් පමණක් සලකුණු කිරිමේ හැකියාව ද තිබේ.
ඡන්ද දායකයාට ඡන්ද පත්රිකාවේ තමන් කැමති අපේක්ෂකයාගේ නම සහ ලකුණ ඉදිරියේ වෙන්කර ඇති කොටසෙහි 1 ඉලක්කම සලකුනු කර ඡන්දය ප්රකාශ කළ යුතුය. ඉන් පසු 2 හා 3 ලකුණු කිරීමෙන් දෙවැනි හා තුන්වැනි මනාප ලකුණු කළ හැකිය.
ඡන්ද දායකයෙක් විසින් දෙවැනි හා තුන්වැනි මනාප ලකුණු කර නැතත් එය වලංගු ඡන්දයක් සේ සැලකේ .
ඡන්ද දායකයා ඡන්ද පත්රිකාවේ කතිරය පමණක් ලකුණු කර ඇතිනම් එය අපේක්ෂකයාට ලබා දෙන ඡන්දයක් සේ සලකනු ලබයි.
කිසිම අපේක්ෂකයෙකුට ඡන්දය ලකුණු කර නොමැතිවිට, එක් අපේක්ෂකයෙකුට වඩා වැඩි සංඛ්යාවයකට ඡන්දය සලකුණු කර ඇති විට, එක් අපේක්ෂකයෙකුට 1 හා අනෙක් අපේක්ෂකයාට කතිරය සලකුණු කර ඇති විට, ඡන්ද දායකයා හඳුනාගත හැකි ආකාරයේ යමක් ලියා ඇති විට හෝ විකෘති සලකුණු ඇඳ ඇති විට, 1, 2, 3 ට වඩා මනාප ලකුණු කර ඇති විට එම ඡන්දය අවලංගු ඡන්දයක් සේ සැලකෙනු ඇති බව මැතිවරණ කොමිෂන් සභාව කියයි
එම නිවේදනය පහත දැක්වේ.
