මෙවර එල් පී එල් තරඟාවලියේදී තමන් දඹුල්ල ජයන්ට්ස් කණ්ඩායමට ක්රීඩා කරන බවට පළවන වාර්තා අසත්ය බව අග්රාමාත්ය මහින්ද රාජපක්ෂ මහතාගේ කණිටු පුත් රෝහිත රාජපක්ෂ නෙත් නිවුස් සේවය කළ විමසුමකදී පවසා තිබේ.
මෙවර එල් පී එල් තරඟාවලියේ දඹුල්ල කණ්ඩායමේ තේමා ගීතය නිර්මාණය කිරීමට තමන් සම්බන්ධ වී සිටින බවත්, ඒ අනුව එම තේමා ගීතයට අදාළ රූප රචන කටයුතු ඊයේ දිනයේදී සිදු කළ බවත් ඔහු වැඩිදුරටත් සඳහන් කර ඇත.
දඹුල්ල කණ්ඩායම ඊයේ සහභාගී වූ පුහුණු තරඟයකට රෝහිත රාජපක්ෂ එක්ව සිටි බවට සමාජ මාධ්ය වාර්තා කළේ එම කණ්ඩායමේ නිල ඡායාරූප සමූහයක රෝහිත රාජපක්ෂ දඹුල්ල කණ්ඩායමේ ජර්සියක් පැළඳ එම කණ්ඩායම සමග සිටින ඡායාරූප මාලාවක් සමගිනි.
රෝහිත රාජපක්ෂ කියා සිටියේ තමන් ඊයේ දිනයේදී පුහුණු තරඟයකට ක්රීඩා නොකළ බව කීවේය.
