කීර්ති ප්රනාන්දු –
හිටපු සියලුම නායකයින් විසින් රවටා නන්නත්තාර කළ ප්රජාවක් වශයෙන් වත්මන් ජනාධිපතිවරයා පිළිබඳ විශ්වාසය තබන්නේ පාස්කු ඉරුදින ප්රහාරය සම්බන්ධව යුක්තිය ඉටුකරගැනීමේ අභිලාෂයෙන් බවත්, එය ඒ ලෙසම ඉටු වනු ඇති බව තමන් විශ්වාස කරන බවත් මැල්කම් කාදිනල් රන්ජිත් හිමිපාණෝ අද (06) පැවසූහ.
පාස්කු ඉරිදා බෝම්බ ප්රහාරයෙන් තුවාල ලැබූ සහ මියගිය අයගේ පවුල්වල සාමාජිකයන් හමුවීමට මිගමුව, කටුවාපිටිය ශාන්ත සෙබස්තියන් දේවස්ථානයට ගිය ජනාධිපති අනුර කුමාර දිසානායක පිළිගනිමින් මැල්කම් කාදිනල් රන්ජිත් හිමිපාණෝ මේ බව ප්රකාශ කළහ.
එහිදී කාදිනල් හිමිපාණෝ මෙසේ ද පැවසුහ.
මෙම ප්රහාරය එල්ල කළ දා සිට අප පුලුවන් තරම් උත්සාහ කළා කවුද මේක කලේ කියන එක දැනගන්න. විනිවිද පෙනෙන පරීක්ෂණයක් පවත්වන්න. කාරාණ කටයුතු ජනාධිපති කොමිසමෙන් ද විජිත් මළල්ගොඩ කොමිසමෙන් ද පාර්ලිමේන්තු තේරීම් කාරකසභාවෙන් ද නිගමන කීපයක් දීලා තිබුණා. නමුත් ඒ ඔක්කොම තුළ තිබුණෙ වගකීම පහැර හැරීමේ චෝදනා. නමුත් මේ වැඩේ කළේ කවුද කියන එක මේකට අවශ්ය පුපුරණ ද්රව්ය අරන් දුන්නේ කවුද මේක සංවිධානය කළේ කවුද අනුබල දුන්නෙ කියලා කිසි දෙයයක් ඒ අය සොයා ගත්තේ නෑ.
ඒ නිසා අපට කරුණු එළිවෙන්න ගත්තා විවිධ අය හෙළිදරවු කළා මේ දේ සිද්ධ වුනා අර දේ සිද්ධ වුනා කියලා. අපේ සිත තුළ සැකය සහ දුක ඇති කරගන්න. ජනතාවට දැනගන්න ලැබුණේ මුස්ලිම්වරු හත් දෙනා විතරක් නොවෙයි, ඒ පිටිපස්සේ අයිස් බර්ග් එකේ වගේ යට ලොකු දෙයක් තියනවා වගේ පෙනුනා. අපගෙන් එය වසන් කරනු ලැබුවා.
අවුරුදු ගණනක් තිස්සේ අපි රටේ නායකයින්ගෙන් ඉල්ලීම් කළා. අපට ජිනීවා මානව හිමිකම් කමිටුවට පවා යන්න සිද්ධ වුනා. නමුත් අපට කිසිම විසඳුමක් ලැබුණෙ නෑ. අපි නනන්ත්තාර වුනා.
මේ ජනතාවට අවශ්ය පහසුකම් අපි ලබා දුන්නේ අපට ලැබුණ අරමුදල්වලින්. විශේෂයෙන්ම කතෝලික සභාවට ලැබුණා ජාත්යාන්තරවත් ලංකාවේ අයගෙනුත්. නමුත් මේ අයගේ හිතේ පාරවන ප්රශ්නය තමයි ඇයි අපට මෙහෙම දෙයක් කළේ කියන එක. අපි මොනවද එයාලට කළේ අපට මෙහෙම දෙයක් කරන්නට කියලා.
ඒ නිසා අපට ඒ ප්රශ්නයට උත්තරයක් අවශ්ය නිසා තමයි මෙදා අපි ඔබතුමා ගැන විශ්වාසය තැබුවේ. අපි ඔබතුමාගේ අවංක භාවය සහ නිර්ව්යාජ ගතිගුණ අගය කරනවා. ඒ නිසා ඔබතුමා අපට දැක්වූ ඒ ලෙන්ගතු කම සහ ඒ විශ්වාසය තවදුරටත් ශක්තිමත් කරන ලෙස ඉල්ලා සිටිනවා.
කාදිනල් හිමිපාණන් කළ ප්රකාශය පහත දැක්වේ.
