දිනසේන රතුගමගේ –
ශ්රී ලංකා නාවික හමුදාව යාපනය එළුවතිව් දූපතට ඔබ්බෙන්වූ මුහුදු ප්රදේශයේ සිදුකළ විශේෂ සෝදිසි මෙහෙයුමකදී, රුපියල් මිලියන පහලොවකට අධික වටිනාකමකින් යුත් කේරළ ගංජා කිලෝ තිස් අටයි ග්රෑම් හත්සියයක තොගයක් අත් අඩංගුවට ගෙන තිබේ.
උතුරු නාවික විධානයට අයත් ශ්රී ලංකා නාවික නෞකා එලාර ආයතනය මඟින් යාපනය එළුවතිව් දූපතට ඔබ්බෙන් වූ මුහුදු ප්රදේශයේ පසුගිය 12 වැනිදා කළ විශේෂ සෝදිසි මෙහෙයුමක දී මෙම මත්ද්රව්ය තොගය අත් අඩංගුවට ගෙන තිබේ.
එහිදී මුහුදේ පාවෙමින් තිබූ මෙම කේරළ ගංජා තොගය අත් අඩංගුවට ගෙන ඇත්තේ හිමිකරුවෙක් නොමැතිව දියඹේ පාවෙමින් තිබියදී ය.
නාවික හමුදාව ප්රකාශ කරන්නේ ඔවුන්ගේ පැමිණීම දුටු ගංජා ජාවාරම්කරුවන් සිය බෝට්ටුවක තිබූ මෙම කේරළ ගංජා තොගය මුහුදට දමන්නට ඇති බවය.
නාවික හමුදා භාරයට ගත් කේරළ ගංජා තොගය ඉදිරි නීතිමය කටයුතු සඳහා කයිට්ස් පොලී සිය වෙත භාරදීමට කටයුතු කොට ඇත
