ශ්රියානි විජේසිංහ –
-
කියන්න ඕන උන්ට කියලා… මේ වනතුරු විසඳුමක් නෑ… රෝගීන්ගේ ජීවිත වගේම බිලියන ගණනක උපකරණත් අනතුරේ…
ශ්රී ලංකා ජාතික රෝහලේ ශල්යාගාර , දැඩිසත්කාර ඒකක සහ වෙනත් විශේෂිත ඒකකවල වායුසමීකරණ පද්ධතිය අක්රිය වීම හේතුවෙන් සැත්කම්වලට ලක්කරන සහ දැඩිසත්කාර ඒකකවල ප්රතිකාර ලබන රෝගීන්ගේ ජීවිත දැඩි අනතුරකට පත්ව ඇතැයි රෝහල් ආරංචි මාර්ග සඳහන් කරයි.
මේ අතර රෝගීන් අතර ආසාදනයන් පැතිර යාමේ අවදානමක්ද මතුව ඇතැයි එම ආරංචි මාර්ග වැඩිදුරටත් පවසා සිටියි.
හදිසි අනතුරු අංශයේ ශල්යාගර, දැඩිසත්කාර ඒකක, වකුගඩු පිළිබඳ විශේෂිත ශල්යාගාර සහ විකිරණ අංශයෙ සමහර ඒකක විශාල ප්රමාණයක වායු සමීකරණ පද්ධතිවල දෝෂ හේතුවෙන් යන්ත්ර සූත්ර මෙන්ම රෝගීන්ගේ ජිවිතද දැඩි අනතුරකට පත්ව ඇත.
මෙම දැඩි සත්කාර ඒ්කක, ශල්යාගාර සහ විශේෂිත ඒකක ඉතා ඉහළ මිලකින් යුතු යන්ත්ර සූත්ර සහ රෝගීන්ගේ ජීවිත පිළිබඳව සෘජුව වගකියන යන්ත්ර සූත්රවලින් හෙබි ඒකක වන අතර විශේෂයෙන්ම කෘතීම ශ්වසන ආධාරක යන්ත්ර (Ventilators) මිල අධික විකිරණ යන්ත්ර, ලේසර් ප්රතිකාර යන්ත්ර, ඇතුලු ඉහළ තාක්ෂණයෙන් යුතු වූ ශල්ය උපකරණ විශාල ප්රමාණයක් ද මෙම ඒකකය සතුව බවතින බව ලංකාසර වෙත අදහස් දක්වමින් රෝහල් ප්රකාශකයෙක් පැවසුවේය.
මෙම ඒකකවල පවතින සියලුම යන්ත්ර උෂ්ණත්වය සහ ආර්ද්රතාව පාලන තත්තවයන් යටතේ පවත්වා ගැනීම අත්යවශ්ය කරුණක් වන බවත් එසේ නොමැති වන අවස්ථාවන් වලදී යන්ත්රවල බිඳවැටිම නිරන්තර දෝෂණයන්ට ලක්වෙන බවත් එම ප්රකාශකයා වැඩිදුරටත් පැවසුවේය.
මෙම ශල්යාගාර සහ විශේෂිත ඒකකයන් සංවෘත ඒකකයන් වන අතර මේ වන විට එම ඒකකයන්ගේ රාජකාරිවල නිරත වන සෞඛ්ය කාර්ය මණ්ඩල සාමාජිකයින් දැඩි අපහසුතාවන්ට ලක්වන බව වාර්තා වේ. සැත්කම් කිරීමේදී විදුලි පංකා ක්රියාත්මක කොට ශල්යකර්ම කරන තත්ත්වයකට පත්ව ඇති බවද වාර්තාවේ.
මාස කීපයක පටන් රෝහල තුළ පවතින මෙම ගැටලුකාරී තතත්වයන් සම්බන්ධයෙන් බලධාරින් දැනුවත් කළද මෙතෙක් නිසි විසදුම් ලැබී නොමැති බවද වාර්තාවේ.
