කෝවිඩ් -19 රෝග ලක්ෂණ පෙන්නුම් කරන සතුන් නිරෝධායනය හා ප්රතිකාර කිරීමේ ක්රියාවලියට ඉන්දියාවේ සත්ව උද්යානය විශේෂ වැඩපිළිවෙළක් ආරම්භ කර තිබේ.
ඔවුන් මෙම පියවර ගෙන ඇත්තේ කොවිඩ් -19 ආසාදනය වීමෙන් දින කිහිපයකට පෙර සිංහයකු මියයාමක් සහ රට පුරා සත්වෝද්යානවල කොවිඩ් පැතිර යාමේ සිද්ධීන් කිහිපයක් වාර්තා වීමත් සමග බව එරට මාධ්ය වාර්තා කළේය.
ඉන්දියාවේ සත්වෝද්යානවල සියලුම කොටි සංරක්ෂිත තාවකාලිකව වසා දැමීමට ඉන්දීය රජයේ පරිසර අමාත්යංශය යටතේ ඇති ජාතික කොටි සංරක්ෂණ අධිකාරිය නියෝග කර ඇත.
“සත්වෝද්යානයක සතෙකු කෝවිඩ් -19 ආසාදනය වීමේ නව ප්රවණතාව නැවත වරක් පෙන්නුම් කරන්නේ බලපෑමට ලක්වූ මිනිසුන් යටතේ සිටින වන සතුන් වෙත රෝග සම්ප්රේෂණය වීමේ ඉහළ සම්භාවිතාවයයි” යනුවෙන් ද එහි සදහන්ව තිබේ. කොටි රක්ෂිතවල ද මෙවැනිම සම්ප්රේෂණයක් සිදුවිය හැකි බවට ද එමගගින් අවධාරණය කෙරේ.
කොටින් සහ අනෙකුත් වන ජීවීන් ආසාදනය වීම වැළැක්වීම සඳහා වැඩිදුර දැනුම් දෙන තුරු සියලුම කොටි සංචිත සංචාරක කටයුතු සඳහා වසා දැමිය යුතු බව නියෝගයේ සඳහන් වේ. ලෝක වනජීවී අරමුදලට (WWF) අනුව කොටින් යනු වඳවීමේ තර්ජනයට ලක්ව ඇති විශේෂයක් වන අතර මිහිපිට සිටින්නේ 4,000 කටත් වඩා අඩු ප්රමාණයකි.
අළුත්ම සිදුවීම වී ඇත්තේ ගිනිකොනදිග චෙන්නායි හි වැන්ඩලූර් සත්ව උද්යානය ලෙස හැඳින්වෙන අරිගානර් අන්නා සත්වෝද්යානයේ බව තමිල්නාඩු ප්රාන්ත රජය ප්රවෘත්ති නිවේදනයක් නිකුත් කරමින් කියා සිටී.
වඳවීමේ තර්ජනයට ලක්ව ඇති ආසියාතික සිංහයන් සිය ගණනක් පමණ සිටින සත්වෝද්යාන ගණනාවක රෝගයේ ලක්ෂණ පෙන්නුම් කර ඇත.
බ්රහස්පතින්දා 9 හැවිරිදි නීලා නම් සිංහයා මිය ගියේය. සත්වයාගේ මරණයට හේතුව කොවිඩ් -19 ද යන්න තවමත් පැහැදිලි නැත.
සත්වෝද්යාන නිලධාරීන් සහ පශු වෛද්ය කණ්ඩායමක් වහාම සියලු සිංහයන් නිරෝධායනය කර ප්රතිජීවක ඖෂධ සමඟ ප්රතිකාර කිරීමට පටන් ගෙන ඇත.
පරීක්ෂණය සඳහා යැවීම සඳහා ඔවුන් සිංහයන්, කොටින් සහ වෙනත් විශාල ක්ෂීරපායින්ගෙන් සාම්පල ලබාගෙන ඇත.
ජානමය අනුක්රමණයෙන් සිංහයන්ට ආසාදනය වූ වෛරසයේ කුමන වික්රියාව ද යන්න එහිදී අනාවරණය වනු ඇතැයි බලාපොරොත්තු වේ.
තමිල්නාඩුවේ මහ ඇමති එම්. කේ. ස්ටාලින් ඉරිදා සත්වෝද්යානයට ගොස් තවත් අමාත්යවරුන් සහ වනජීවී බලධාරීන් සමඟ තත්වය සමාලෝචනය කළේය. සියළුම සත්වෝද්යාන කාර්ය මණ්ඩලයට සහ සත්ව හසුරුවන්නන්ට එන්නත් ලබා දීම සහතික කරන ලෙසත්, ආසාදිත සිංහයන්ට හොඳම ප්රතිකාර ලබා දෙන ලෙසත් ස්ටාලින් නිලධාරීන්ට නියෝග කළේය.
මාර්තු මාසයේදී හයිද්රාබාද් සත්වෝද්යානයක සිංහයන් අතර කොවිඩ් ධනාත්මක වීමේ සිදුවීම් අටක් වාර්තා වී තිබේ. ජයිපූර් සහ එටාවා හි සත්වෝද්යාන සහ සංචාරකයන් සෆාරි යන සිංහයන් ගැවසෙන ස්ථානවල ද මෙවැනිම සිදුවීම් වාර්තා වී ඇති බව එරට පුවත් පවසයි.
පූර්වාරක්ෂක පියවරක් ලෙස තමිල්නාඩුව සිය සත්වෝද්යාන නරඹන්නන් සඳහා අප්රේල් 20 වන දින වසා දැමීය.
ලෝකයේ වෙනත් රටවල ද සතුන්ට කොවිඩ් ආසාදනය වී ඇත. නිව් යෝර්ක්හි, බ්රොන්ක්ස් සත්ව උද්යානයේ කොටින් සහ සිංහයන් ගණනාවක් 2020 අපේ්රල් මාසයේ දී කෝවිඩ් -19 සඳහා ධනාත්මක වී තිබුණේ සිදු කළේ කැස්ස ඇතුළු රෝග ලක්ෂණ පෙන්නුම් කිරීමෙන් පසුව කළ පීසීආර් පරීක්ෂණවලදී ය. එතැන් සිට ඔවුන් ප්රතිකාර සමග සුවය ලබා ඇත.
මෙම පුවත සත්ව විද්යාඥයින් අතර කනස්සල්ලට හේතු විය. බ්රොන්ක්ස් සත්වෝද්යාන ආසාදන පිළිබඳ වචන පැතිරීමෙන් පසුව, ඉන්දියාවේ ජාතික කොටි සංරක්ෂණ අධිකාරිය රටේ සියලුම කොටි රක්ෂිතයන්ට නියෝග කළේ ඔවුන්ගේ ව්යාඝ්රයන්ගේ රෝග ලක්ෂණ ගැන නිරීක්ෂණය කරන ලෙසත්, සියලු සත්වයන් රැකබලාගන්නන් කෝවිඩ් ඍණාත්මක බව සහතික කරන ලෙසත් ය.
‘මිනිසුන් අතර වසංගත රෝග සීඝ්රයෙනන් පැතිරෙන අවස්ථාවලදී, සත්වෝද්යානවල සතුන් ඇතුළු සතුන්ට එම රෝග ආසාදනය වීමේ සම්භාවිතාව වැඩි’ බව එරට සත්ව විද්යාඥයන් පවසා තිබේ.
මේ අතර රුසියාව විසින් කොරෝනා වයිරසයට එරෙහිව සතුන්ට එන්නත් ලබා දීම ආරම්භ කර තිබේ.
ප්රදේශ කිහිපයක මේ වනවිට පශු වෛද්ය සායනවල එන්නත් ලබා දී ඇති බව රුසියාවේ පශු වෛද්ය නිරීක්ෂණ කණ්ඩායම වන රොසෙල්කොස්නාඩ්සෝර් ප්රාදේශීය මාධ්ය වෙත පැවසීය.
පසුගිය මාර්තු මාසයේදී රුසියාව නිවේදනය කළේ ලොව ප්රථම සත්ව විශේෂිත කොවිඩ් එන්නත් නිෂ්පාදනය සදහා ලියාපදිංචි කළ බවයි.
යුරෝපා සංගමය, ආර්ජන්ටිනාව දකුණු කොරියාව සහ ජපානය ද මෙම Carnivak-Cov නම් එන්නත සඳහා උනන්දුවක් දක්වන බව රුසියාව පවසයි.
සතුන්ගෙන් මිනිසාට රෝගය පැතිරෙන්නේ ද යන්න පිළිබද සැලකිය යුතු ආකාරයේ දැනට කිසිදු සාක්ෂියක් නොමැති බව විද්යාඥයින් පවසන අතර, ලොව පුරා විවිධ සත්ව විශේෂවලට කොවිඩ් ආසාදන පිළිබද තහවුරු වී ඇත. එම විශේෂයන්ට බල්ලන්, බළලුන්, වානරයන් සහ මින්ක් ඇතුළත් විය. මේ හේතුවෙන් මිලියන ගණනින් සතුන් විනාශ කිරීමට ද පසුගිය කාලයේ ඇතැම් රටවල් කටයුතු කර තිබුණි.
