කටුනායක ආඬිඅම්මබලම දැවමොට්ටාව ප්රදේශයේ ව්යාපාරිකයෙකුගේ නිවසට ගිනි අවියක් අතැතිව අද (22) පෙරවරුවේ ඇතුළු වූ පුද්ගලයෙක් ව්යාපාරිකයාට වෙඩි තැබීමට යෑමේ දී ගිනි අවිය පත්තු නොවීම හේතුවෙන් වෙඩික්කරුවා කොටු වී ඇතැයි පොලිසිය පවසයි.
යතුරුපැදියකින් පැමිණි පැදිකරු සහ වෙඩික්කරු ව්යාපාරිකයාගේ මිදුලට පැමිණ පැදිකරු සිටිය දී වෙඩික්කරු නිවස තුළට ඇතුළු වී වෙඩි තබා තිබේ.
වෙඩිල්ල පත්තු නොවීමත් සමග කලබල වූ පැදිකරු වෙඩික්කරුව දමා යතුරුපැදියෙන් පලා ගොස් තිබේ.
තුවක්කුව සමග කොටුවන වෙඩික්කරු දිව ගොස් නිවසේ තාප්පයකින් පැන පලා යන්නට සැරසෙද්දී වැටි කකුල් දෙකටම බරපතල හානි සිදුවී ඇතැයි පොලිසිය පවසයි.
ප්රදේශවාසීන් පොලිසියට දන්වා වෙඩික්කරු බාර දී ඇති අතර මේ වනවිට තුවාල ලැබූ එම පුද්ගලයා ගිනි අවිය සමගම අත් අඩංගුවට ගෙන ප්රතිකාර සඳහා මීගමු රෝහලට ඇතුළත් කර ඇත.
පොලිසිය වැඩිදුර විමර්ශන පවත්වයි.
