දිනසේන රතුගමගේ –
මුලතිව් කුරුඳුමලේ විහාරාසන්නයේ පුරා විද්යා කැණීම් සිදු කෙරෙන අතරවාරයේ වැලිඔය ජනතාවට වන්දනාමාන කිරීම සඳහා කුරුදුමලේ විහාරයේ බුදු පිළිමයක් තැන්පත් කිරීම ඇතුලු ආගමික වැඩ සටහන්වලට දෙමළ ජාතික සන්ධානය ඊයේ (11 )දා විරෝධය පල කොට තිබේ.
මහා සංඝ රත්නය හා ජනතාව යුද හමුදාවේ ආරක්ෂාව මැද ආගමික වතාවත් සිදු කරමින් සිටියදී දෙමළ ජාතික සන්ධානයේ මුලතිව් ප්රාදේශීය දේශපාලානඥයෙකු වන උතුරු පලාත් සභාවේ හිටපු මන්ත්රී ටී.රවිහරන් පැමිණ ඊට විරෝධය පලකොට තිබේ.
යුද හමුදා නිලධාරීන් පැමිණ ඔහුට කරුණු අවබෝධ කොට දීමට උත්සාහ කළ අවස්ථාවේදී ඔහු ඊට විරෝධය පල කොට පැමිණි පිරිස සමග කෑ කෝ ගසා ඇත.
නමුත් මහා සංඝ රත්නයේ පිරිත් සජ්ජායනාවන් මධ්යයේ කුරුඳුමලේ විහාරයේ බුදු පිළිමය තැන්පත් කොට තිබේ.
මුලතිව් කුරුඳුමලේ විහාරාසන්නයේ පුරා විද්යා කැණීම් මීට මාස තුනකට පමණ ඉහතදී විදුර වික්රමනායක රාජ්ය අමාත්යවරයාගේ ප්රධානත්වයෙන් ආරම්භ වූ අතර ඊට එරෙහිවද දෙමළ ජාතික සන්ධානය මුලතිව් අධිකරණයේ නඩුවක් ගොණු කොට තිබේ.
