-
රටට ආදරය නැති ඉරිසියාකාර කුහකයෝ ජාත්යාන්තරයට ලියලා එක්සත් ජාතීන්ගේ මානව හිමිකම් ප්රධානීනුත් ප්රකාශ නිකුත් කරලා තියනවා… ඒ කාගේ බලපෑමටවත් යුක්තිය මෙහෙයුම නතර කරන්න බෑ….
කුඩු නඩු වලට පෙනී සිටින, ඒ මුදල් වලින් යැපෙන අතලොස්සක් නීතීඥයින් පසුගිය සතිය තුළ වැඩබලන පොලිස්පතිතුමාට එරෙහිව නඩු පිට නඩු දැමූ බව මහජන ආරක්ෂාව පිළිබඳ ඇමති ටිරාන් අලස් පැවසුවේය.
ඔහු කීවේ මත්ද්රව්ය ජාවාරම් කරුවන්ගේ මුදලින් මෙන්ම රාජ්ය නොවන සංවිධානවල මුදලින් යැපෙන රටට ආදරය නැති කුහක, ඊර්ෂ්යවෙන් පිරුණ කල්ලි ජාත්යාන්තරයට ලිවීම හේතුවෙන් පසුගිය දිනක එක්සත් ජාතීන්ගේ මානව හිමිකම් සංවිධානයේ ඉහළ නිලධාරීන් ද තමන්ට විරුද්ධව ප්රකාශ නිකුත් කර ඇති බවය.
මේ ආකාරයෙන් කවුරුන් කුමණ මතය දැරුවත් යුක්තිය මෙහෙයුම නවත්වන්නේ නැති බව ඇමතිවරයා අවධාරණය කළේය.
අවිස්සාවේල්ල ප්රාදේශයේ ප්රජා පොලිස් කමිටු දැනුවත් කිරීම සඳහා පැවති විශේෂ වැඩමුළුවක් අමතමින් අමාත්යවරයා මෙම අදහස් පල කළේය.
එහිදී තවදුරටත් අදහස් දැක්වූ අමාත්යවරයා, මෙසේ ද කීවේය.
රට තුළ මත්ද්රව්ය හා පාතාලය වර්ධනය වීමට අරගලයද එක් හේතුවක් බවට පත් වුණා. රටටම ව්යසනයක් බවට පත් වූ එම තත්වය මර්දනය කිරීමේ සැලසුම් අප සකස් කලේ මීට මාස 6කට පමණ පෙර සිටයි.
යුක්තිය මෙහෙයුම ආරම්භ වූයේ එලෙස සිදුකල පුළුල් අධ්යයනයන් වලින් අනතුරුවයි. ඒ අනුව දකුණු පළාතෙන් මෙහෙයුම ආරම්භ කරනු ලැබුවා. එහිදී අපගේ විශේෂ අවධාණය යොමු වූයේ මත්ද්රව්ය බෙදා හැරීම මර්ධනය පිළිබඳවයි. ඊට පාතාලය ද සම්බන්ධයි.
එවකට ඇතැම් කාලවල දිනපතා ඝාතන ඇතුළු අපරාධ සිදුවීම් රැසක් වාර්තා වුණා. රටට බරක් වූ මෙම සියලු අපරාධ කරුවන් හඹා ගොස් නීතිය හමුවට පැමිණවීම අපේ අරමුණයි. ආයුධ සන්නද්ධ අපරාධකරුවන් සොයා පොලිසිය යන්නේද ආයුධ සන්නද්ධවයි. එම නිසා නීතියට අනුව අවශ්ය අවස්ථාවේදී ආයුධ භාවිතා කිරීමට පොලිසියට සිදු වනවා.
මෙලෙස කටයුතු කරගෙන යන අවස්ථාවේදී ජාත්යන්තර වශයෙන් මෙන්ම ඇතැම් දේශීය කල්ලි වලින්ද අපට විවිධ අභියෝග, බාධක එල්ල වීමට පටන් ගෙන තිබෙනවා. කුහක, ඊර්ෂ්යවෙන් පෙලෙන, රටට විරුද්ධව කටයුතු කරන පිරිස් එලෙස කටයුතු කරනවා. මේ මෙහෙයුමට විරුද්ධව එම පිරිස් ජාත්යන්තරයට ලියනවා
.පසුගිය දිනක එක්සත් ජාතීන්ගේ සංවිධානයේ මානව හිමිකම් සංවිධානයේ ඉහළ නිලධාරීන් ද මීට විරුද්ධව ප්රකාශයක් නිකුත් කර තිබෙනවා. මේ පිලිබඳ විවිධ මාධ්ය විසින් අපේ මතය කුමක්ද යන්න පිලිබඳවත් විමසනවා.
කවුරුන් කවර මතයක් පල කළත් අප ආරම්භ කළ මෙහෙයුම කිසිසේත්ම නතර කරන්නේ නැහැ. අඛණ්ඩව ඉදිරියට කරගෙන යනවා.
මෙවැනි බාධා කිරීම් සිදු කරන්නේ රාජ්ය නොවන සංවිධාන වලින් මුදල් ලබාගන්නා, කුඩු නඩු වලට පෙනී සිටින, ඒ මුදල් වලින් යැපෙන අතලොස්සක් නීතීඥයින්. පසුගිය සතිය තුළ වැඩබලන පොලිස්පතිතුමාට එරෙහිව නඩු පිට නඩු දැම්මා.
මත්ද්රව්ය ජාවාරම් කරුවන්ගේ මුදලින් යැපෙන පිරිස් මේ වැඩපිළිවෙළ නතර කරගැනීමට එලෙස කටයුතු කරනවා. මේ වන විට අපට ජීවිත තර්ජන එල්ල කරමින් ලිපි එවීමටත් එම පිරිස් කටයුතු කරනවා. ඊට නිසි පිළිතුරු ලබා දිය යුත්තේ මේ රටේ ජනතාවයි.
මෙම තත්වය නතර නොවුනහොත් තව නොබෝ දිනකින් නම් ගම් සහිතව එම තොරතුරු හෙළි කිරීමට අප පියවර ගන්නවා.
වැඩබලන පොලිස්පති දේශබන්දු තෙන්නකෝන් ප්රදේශය භාර ජ්යෙෂ්ඨ නියෝජ්ය පොලිස්පතිවරුන් ඇතුළු පොලිස් දෙපාර්තමේන්තුවේ නිලධාරීන්, ප්රජා පොලිස් කමිටු නියෝජිතයින් ඇතුළු විශාල පිරිසක් මෙම අවස්ථාව සඳහා එක්ව සිටියහ.
