ඊයේ (03) දින රැස්වූ අමාත්ය මණ්ඩලය විසින් ආර්ථික, සෞඛ්ය සහ වනජීවී ක්ෂේත්රයන්ට අදාළ තීරණ රැසක් ගනු ලැබීය.
ඒ අනුව, ආනයන භාණ්ඩ මත පනවා ඇති සෙස් බද්ද (Cess) අදියර වශයෙන් ඉවත් කිරීමටත්, සත්ත්ව ආහාර සඳහා අවශ්ය බඩඉරිඟු ආනයනය විධිමත් කිරීමට සහ ශ්රී ලංකා ත්රිපෝෂ සමාගම වෙත ආහාර ශ්රේණියේ බඩඉරිඟු සැපයීම සඳහා නව කාර්යපටිපාටියක් සකස් කිරීමටත් මෙහිදී එකඟතාව පළ විය.
මීට අමතරව, වන සතුන්ගෙන් වගා බිම්වලට සහ ජන ජීවිතයට සිදුවන හානි අවම කිරීමේ වැඩසටහනක් ක්රියාත්මක කිරීමට තීරණය වූ අතර, සෞඛ්ය ක්ෂේත්රයේ ප්රගතිය උදෙසා හදිසි ප්රතිකාර සේවා පද්ධතිය වැඩිදියුණු කිරීම, ශ්රී ලංකා හෙද සභාව සඳහා නව ගොඩනැගිල්ලක් ඉදිකිරීමට ඉඩම් පවරා දීම සහ පුත්තලම මූලික රෝහල රජයට පවරාගෙන සංවර්ධනය කිරීම කෙරෙහි ද අවධානය යොමු විය.
විදේශ සබඳතා ශක්තිමත් කරමින් රාජ්යතාන්ත්රික සහ රාජකාරි විදේශ ගමන් බලපත්ර හිමියන් සඳහා වීසා සහනයක් ලබාදීම වෙනුවෙන් මොරොක්කෝ රාජධානිය සමඟ ගිවිසුමකට එළඹීමට ද මෙහිදී අනුමැතිය හිමි විය.
කැබිනට් තීරණ පහත දිගුවෙන් ලබා ගත හැකිය. 1007392902-අමාත-ය-තීරණ-03-03-2026_compressed
