ඇද හැලෙන ධාරාණිපාත වර්ෂාව නිසා ලෝක කුසලාන තරගාවලියේ දී මුල් වටයේ තරගයක් ලෙස පැවැත්වීමට නියමිතව තිබූ ශ්රී ලංකා ඔස්ට්රේලියා තරගය අත්හැර දැමිණි. ඒ එකම පන්දුවක්වත් යැවීමෙන් තොරවය.
උදේ වරුවේ සිට අඛණ්ඩව ඇද හැලෙන වැස්ස මේ වනවිටත් ඇදහැලෙමිනි. ක්රීඩාංගනයම ආවරණයවන පරිදි යොදා ඇති වැසි ආවරණ ද ජලයෙන් පිරී ඇත. ඒ මත තවමත් වැසි දිය පතිත වෙමිනි.
පැවැත්වීමට නියමිතව තිබුණේ තරගාවලියේ මුල් වටයේ 5 වැනි තරගය ය. අවසානයේ තරග තීරකවරු තරගය අත් හැර දැමීමට තීරණය කළහ. දැන් කණ්ඩායම් දෙකට එක් ලකුණ බැගින් ලැබී ඇත.
මේ වනවිට ඔස්ට්රේලියාව එංගලන්තය, බංගලාදේශය, ඉන්දියාව, ශ්රී ලංකාව, පකිස්ථානය, නවසීලන්තය සහ දකුණු අප්රිකාව එක් තරගය බැගින් ක්රීඩා කර තිබේ. ඔස්ට්රේලියාව, එංගලන්තය, බංගලාදේශය, සහ ඉන්දියාව එක් තරගය බැගින් ජයග්රහණය කර තිබේ.
මේ තරගෙන් ලද එක් ලකුණත් සමග දැනට ලකුණු සටහනේ ලකුණු 03ක් ලබාගෙන ඉහළින් සිටින්නේ ඔස්ට්රේලියානු කණ්ඩායමය .
හෙට මේ ලෝක කුසලාන තරගාවලියේ වැඩිම අවධානයක් යොමුවන ඉන්දියා පාකිස්ථාන තරගය පැවැත්වීමට නිමියතය. ඒ තරගය පැවැත්වෙන්නේත් ආර්. ප්රේමදාස අන්තර්ජාතික ක්රීඩාංගනයේ ය.
