අද (30) පෙරවරුවේ කතරගම සතොස වෙළඳසැලට ගිය වෙළෙඳ අමාත්ය බන්දුල ගුණවර්ධනට එහි සිටි කාන්තාවන් පිරිසකගෙන් කණ පිරෙන්න අහගත් ප්රවෘත්තියක් කතරගමින් වාර්තා වේ.
කතරගම දේවාලයට ගොස් වැඳ පුදාගෙන එන ගමන් සතොසට ගොඩවුණු ඇමතිවරයාට මේ අකරතැබ්බය සිදු වී තිබේ. ඇමතිවරයා ආරක්ෂකයන් සමග සතොසට වැදී සතොසේ බඩු ගැන එතැන බඩු ගනිමින් සිටි කාන්තාවන්ගෙන් විමසන විට එක් කාන්තාවක් පවසා ඇත්තේ හාල් තියනව ද බලලා යන්නද ආවෙ කියාය.
ඔව්… ඔයාලා ඇවිත් බලනකොට හාල් විතරක් නෙමෙයි හැම බඩුවම තියනව. එනවා කියන ආරංචියට සතොසෙ බඩු පුරෝනවා. මිනිස්සුන්ට කන්නවත් නෑ. ඔයාලට අපි චන්දෙ දීල බලයට ගෙනාවෙ අපිව හාමතේ තියන්න කියල ද?.“
අනපේක්ෂිත විරෝධතාවයෙන් ඇමතිවරයා අපහසුතාවයට පත් වී තිබේ.
“පවතින වාතාවරණය උඩ මේ ටික හරි දෙන එක ගැන සතුටු වෙන්නැ… “ වෙළෙඳ ඇමතිවරයා කියා ඇත.
