ලලිත් චාමින්ද
මෙරට ළමා ජනගහනයට අනුව එක් ළමා රෝග ඇඳකට ළමුන් 724 දෙනෙකු සිටින බැව් ජාතික විගණන කාර්යාලය මගින් නිකුත්කොට ඇති නවතම විගණන වාර්තාවක සඳහන් වේ.
වයස අවුරුදු 15ට අඩු ළමුන් සංඛ්යාව 8,466,465කි. මේ වන විට ඇති ළමා ඇඳන් සංඛ්යාව 11,693කි. ළමා වාට්ටුවලට ඇතුළත්කොට ඇත්තේ අවුරුදු 12ට අඩු ළමුන් බැවින් ඒ අනුව එක් ළමා ඇඳකට ළමුන් 724 දෙනෙකු සිටින බව විගණනය මඟින් අනාවරණය කොට ඇත. දිස්ත්රික්ක අතර ළමා ජනගහන ව්යාප්තියට සමගාමීව ළමා ඇඳන් බෙදා හැරීම සිදුකළ යුතුය. එහෙත් රත්නපුර, කෑගල්ල, ත්රිකුණාමලය, කුරුණෑගල, අනුරාධපුරය, පොළොන්නරුව, වවුනියාව, මාතලේ, යන ප්රාදේශීය සෞඛ්ය සේවා අධ්යක්ෂක කාර්යාලවලට අයත් රෝහල් සඳහා ළමා රෝග ඇඳන් ප්රමාණවත් නොමැති බවද විගණනය මඟින් අනාවරණය කොට ඇත.
ගම්පහ, කළුතර, නුවරඑළිය සහ පුත්තලම යන දිස්ත්රික්කවල ප්රාදේශීය සෞඛ්ය සේවා අධ්යක්ෂක කාර්යාලවලට අයත් රෝහල්වල ළමා ඇඳන් ප්රමාණවත් නොවීම බරපතළ ගැටළුකාරී තත්ත්වයක් බවද විගණන වාර්තාවේ වැඩිදුරටත් සඳහන් වේ.
