ශ්රියානි විජේසිංහ –
උතුරු නැගෙනහිර ප්රදේශවල ගවයින් හා එළුවන් මියගියේ ගවරත්ගාසයෙන්ද නැතහොත් නියුමෝනියා තත්වයන්ගෙන්ද යන්න පිලිබඳ සොයා බැලිය යුතු බව රජයේ පශු වෛද්ය නිලධාරීන්ගේ සංගමයේ සභාපති සිසිර පියසිරි සඳහන් කකරයි.
පසුගිය කාලයේදී ගවයින් අතර ගවරත්ගාසය රෝගය පැතිර ගිය බවත් මේ වන විට ආහාර අර්බුයන් හමුවේ සතුන්ගේ ප්රතිශක්තිය බිදවැටී ඇති බැවින් එම රෝගය නැවත මතුව තිබෙන්නේද නැතහොත් සීත දේශගුණයත් සමග නියුමෝනියා තත්ත්වයන් වැඩි වර්ධනය වි ඇද්ද යන්න පිලිබඳ සොයා බැලීමක් කළ යුතු යැයි හෙතෙම පැවසීය.
කෙසේ නමුත් සතුන්ව එන්නත් කිරීමේ වැඩ සටහන පසුගිය කාලය තුළ යම් පසුබෑමක් සිදුවු නමුත් සතුන් එන්නත් කිරීමේ වැඩපිළිවෙළ නැවතත් ආරම්භ කළ යුතු යැයිද වෛද්ය පියසිරි පැවසුවේය.
කෙසේ නමුත් මේ දිනවල පවතින ශීත දේශගුණික තත්ත්වයෙන් සතුන්ව ආරක්ෂා කර ගැනිම සඳහා සතුන්ගේ හිසට ආවරණයන් සහිත පරිසරයන් සකස් කිරීම සුදුසු යැයිද සභාපතිවරයා කීවේය
