ඊයේ දිනය තුළ වෙඩි තැබීම් තුනක් සහ එම වෙඩි තැබීම්වලින් සිදුවුන පුද්ගල ඝාතන දෙකක් වාර්තා වී තිබේ. පොලිස් නිලධාරියෙකුගේ රාජකාරි ගිනි අවිය උදුරාගෙන ඔහුටම සිදුකළ වෙඩි තැබීමකින් අනතුරුව ගිනි අවියද රැගෙන පලා ගිය සිද්ධියක් මින් එක් සිදුවීමක් අතර වේ.
මීගමුව, ගල්කන්ද හංදිය ආසන්නයේ දී යතුරු පැදියකින් ගමන් කරමින් සිටි පුද්ගලයෙකුට සිදු කළ වෙඩි තැබීමකින් එම පුද්ගලයා මිය ගොස් ඇති බව පොලිසිය පවසයි.
ඊයේ රාත්රී 7 ට පමණ මෙලෙස ඝාතනය කර ඇත්තේ මීගමුව ප්රදේශයේ පදිංචිකරුවෙකි.
ස්කූටරයකින් පැමිණි නාදුනන පුද්ගලයින් දෙදෙනෙකු විසින් ඊයේ(10) මෙම වෙඩි තැබීම සිදු කර පළා ගොස් තිබේ. වෙඩි තබා ඇත්තේ පිස්තෝල වර්ගයේ ගිනි අවියකිනි. . ඝාතනයට හේතුව මෙතෙක් අනාවරණය වී නැත. පළා ගිය සැකකරුවන් අත්අඩංගුවට ගැනීම සඳහා මීගමුව පොලිසිය විසින් විමර්ශන ආරම්භ කර තිබේ.
ෙමේ අතර ඊයේ (10) සවස මහකුඹුක්කඩවල, සෙම්බුකුලිය ප්රදේශයේ දී යතුරු පැදියකින් ගමන් කරමින් සිටි පුද්ගලයෙකුට සිදු කළ වෙඩි තැබීමක් හේතුවෙන් තුවාල ලැබූ පුද්ගලයා පුත්තලම රෝහලට ඇතුළත් කිරීමෙන් අනතුරුව මිය ගොස් තිබේ.
මෙලෙස මිය ගොස් ඇත්තේ 54 හැවිරිදි සෙම්බුකුලිය ප්රදේශයේ පදිංචිකරුවෙකි. මරණකරු දිය නෑම සඳහා වැවට ගොස් ආපසු එමින් සිටිය දී සැකකරු විසින් සැඟව සිට මෙම වෙඩි තැබීම සිදු කර තිබේ. ඝාතකයා මහකුඹුක්කඩවල පොලිසිය විසින් අත්අඩංගුවට ගෙන තිබේ. මේ ඝාතනය ඉඩම් ආරවුලක් මුල් කරගෙන සිදුවී ඇතැයි හෙළි වී ඇත.
මේ අතර රාත්රී මුර සංචාරය අතරතුර ඊයේ අළුයම ත්රීරෝද රථයක් පරීක්ෂා කිරීමට ගිය මල්වතුහිරිපිටිය පොලිස් නිලධාරීන් කණ්ඩායමක් අතර සිටි සැරයන්වරයෙකුගේ රාජකාරි ගිනි අවිය උදුරාගෙන ඔහුට වෙඩි තැබූ ත්රී රෝද රථයේ රියදුරෙක් සැරයන් වරයාගේ ගිනි අවියත් උදුරාගෙන පලා ගොස් ඇත.
අදාළ පොලිස් සැරයන්වරයාගේ වම් ඇස ප්රදේශයට බරපතළ තුවාල සිදුවී ඇති අතර ඔහුව ගම්පහ රෝහලට ඇතුළත් කිරීමෙන් පසුව වැඩිදුර ප්රතිකාර සඳහා කොළඹ ජාතික රෝහලට ඇතුළත් කර ඇත.
මේ අතර ගතවු පැය 24 තුළ දිවයින පුරා මෙහෙයුම් වලින් අපරාධකරුවන් 667 ක් අත් අඩංගුවට ගත් බව මහ ජන ආරක්ෂාව පිළිබඳ අමාත්යාංශය පවසයි.
අමාත්යාංශය පවසන්නේ දිවයින පුරා සිදුකළ මෙහෙයුම් වලදී මත්ද්රව්ය වැරදි සම්බන්ධ සැකකරුවන් 564 ක් සහ අපරාධ අංශ වෙත යොමු කළ ලැයිස්තුවේ සිටි සැකකරුවන් 103 ක් සමගින් මුළු සැකකරුවන් 667 දෙනෙකු බවය.
මත්ද්රව්ය වැරදි සම්බන්ධ අත්අඩංගුවට ගත් සැකකරුවන් 564 දෙනා අතරින් පොලිස් මත්ද්රව්ය නාශක කාර්යංශය සහ පොලිස් විශේෂ කාර්යංශයේ ලැයිස්තුවේ සිටි සැකකරුවන් 07ක්ද සිටින බව එම නිවේදනයේ දැක්වේ.
අත් අඩංගුවට ගත් මත්ද්රව්ය අතර හෙරොයින් 153g655mg, අයිස් 88 g 255 mg , ගංජා 06 kg 462 g , ගංජා පැල 4,688, මාවා 113 g, මත්පෙති 180, මදන මෝදක 147gවන බව ද එහි සඳහන් කර ඇත.
