ඉරානය විසින් එල්ල කළ ප්රහාර හේතුවෙන් තුවාල ලැබූ කාන්තාවන් අතර ශ්රී ලාංකික කාන්තාවක්ද වන බව තහවුරු වී ඇත.
ඇයගේ තත්ත්වය අසාධ්ය නොවන බව ඊශ්රයාලයේ ශ්රී ලංකා තානාපති නිමල් බණ්ඩාර උපුටා දක්වමින් අද දෙරණ වාර්තා කරයි.
ඊශ්රායලයේ ටෙල්අවීව්, හයිෆා සහ අවට ප්රදේශ ඉලක්ක කර ගනිමින් ඉරානය එල්ල කළ ප්රහාරවල වින්දිතයෙක් වී මෙසේ තුවාල ලබා ඇත්තේ ඊශ්රායලයේ බැට් යම් ප්රදේශයේ සේවය කරන ලද ශ්රී ලාංකික කාන්තාවකි.
තානාපත්වරයා පවසා ඇත්තේ ටෙල්අවීව් නගරයට දකුණු දෙසින් පිහිටි නිවසක සේවය කරන ශ්රී ලාංකික කාන්තාවක් ද ඇය සේවය කරන නිවසේ ඇති වූ දෙදරීම හේතුවෙන් එම නිවසේ සිටි අය සමග ආරක්ෂිත ස්ථානයක් වෙත ඉවත්ව ඇති බවය.
ඉරානය හයිෆා සහ ටෙල් අවිව් නගර ඇතුළුව ඊශ්රායලය පුරා ඉලක්ක වෙත මිසයිල ප්රහාර එල්ල කිරීමෙන් අවම වශයෙන් පුද්ගලයින් අට දෙනෙකු මිය ගිය බව වෛද්යවරු සහ මාධ්ය වාර්තා පවසයි.
