තලේබාන් ප්රහාර හමුවේ පසු බැස ගිය එක්සත් ජනපද හමුදා සහ ඇෆ්ගන් ජාතික හමුදාව විසින් අතහැර දැමූ ආයුධ පාකිස්තානයේ බලුච් සටන්කාමීන් වෙත ද ලැබී ඇති බව අනාවරණය වේ.
පෙබරවාරි මස මුලදී නොෂ්කි සහ පන්ජ්ගුර් හි පැරාමිලිටරි කඳවුරුවලට ප්රහාර එල්ල කළ බලුකිස්තාන් විමුක්ති හමුදා සටන්කාමීන් අධි තාක්ෂණික අවි ආයුධවලින් සන්නද්ධ ව සිටි බව හෙළිදරවි වී තිබිණ.
ඔවුන් සතුව තිබූ අවිආයුධ ඇතුළු යුද උපකරණ පකිස්ථාන හමුදා සොල්දාදුවන් භාවිතා කරන ඒවාට වඩා බෙහෙවින් උසස් ඒවා බව ද මෙහිදී අනාවරණය වී තිබිණ.
මේ වනවිට හෙළිවී ඇත්තේ M-16A4 සහ M-4A2 රයිෆල්, අඳුරේ දී නිවැරදිව වෙඩි තැබීම සඳහා ඕනෑම ආයුධයකට සම්බන්ධ කළ හැකි Dual Beam Aiming Lasers තාක්ෂණ ඇතුළු අවි සහ උපකරණ බලුච් සටන්කාමීන් සතුව තිබූ බවයි.
ඒවා ඇමරිකානු හමුදා සහ ඇෆ්ගන් ජාතික හමුදාව භාවිතා කළ අවි සහ උපකරණ බව මේ වනවිට තහවුරැ වී ඇති අතර එම අවි විවිධ ත්රස්තවාදී සහ සටන්කාමී සංවිධාන අතට පත්විය හැකි බවට ආරක්ෂක විශ්ලේෂකයන් පෙර සිටම අනතුරැ අගවා තිබිණ.
