දිනසේන රතුගමගේ –
ආගමන විගමන දෙපාර්තමේන්තුව විසින් මෙතෙක් නිකුත් කළ හදිසි සහතික ( EC Pass port ) නිකුත් කිරීම 24 දායින් පසුව නවතා දැමීම නිසා විශාල පිරිසට දැඩි අසාධාරණයක් සිදුව තිබේ.
මෙම හදිසි සහතිකයක් මගින් ඉන්දියාවට හා නේපාලයට පමණක් ගමන් කළ හැකි වූ අතර දඹදිව වන්දනාවේ යන පිරිස් හා විවිධ රෝග වලට ඉන්දියාවෙන් වෛද්ය ප්රතිකාර ලබා ගැනීමට යාමේදී එම හදිසි සහතිකය විශාල පිටිවහලක් වී තිබුණි.
කාලයක සිට මෙම හදිසි සහතික නිකුත් කළ අතර ඒ සදහා ගාස්තුව වූයේ රුපියල් 500 කි.
මෙම සහතිකය ලබා ගෙන මෙතෙක් දඹදිව ගිය පිරිසට රුපියල් 10,000 ක් ගෙවා සියලු රටවලට යා හැකි ගමන් බලපත්ර ලබා ගැනීමට සිදුව ඇති අතර මේ තත්ත්වය නිසා දඹදිව යන හා වෛද්ය ප්රතිකාර ලබා ගැනීමට ඉන්දියාවට යන පිරිසගේ බලාපොරොත්තු සුන් වී ගොස් තිබේ.
මේ අසාධාරණයට යම් සාධාරණයක් ලබා ගැනීම පිණිස දඹදිව චාරිකා සංවිධානය කරන්නන්ගේ සංගමය අදාල අංශවලින් මේ ගැන සාකච්ඡා කිරීමට දිනයක් හා වේලාවක් ඉල්ලා ඇතත් එම අවස්ථාව මෙතෙක් ලැබී නැත.
