-
යාබද ඉඩමක අඹ ගසක් උඩ සිට ඉලක්කය ගත් වෙඩික්කරුවා පළපුරුදු ගිනි අවි හසුරුවන්නෙක්… වෙඩි තියලා තියෙන්නේ ටී 56කින්….
ඊයේ ( 24) සවස කුරුණෑගල වැල්ලව ප්රදේශයේ දී වෙඩි තබා මරා දමා ඇත්තේ සෝලා විදුලි ව්යාපාරයක් හිමි තරුණ ව්යාපාරිකයෙක් බවත් නීති විරෝධී ගනුදෙනුවලට අදාල තොරතුරු කිසිවක් මෙම සිද්ධිය සම්බන්ධ සිදුකරන මූලික විමර්ශනවලදී අනාවරණය නොවන බවත් විමර්ශන අංශ පවසයි..
වැල්ලව දී වාර්තා වන්නේ ඉකුත් සති තුනකට ආසන්න කාලයක් තුළ සිදුවූ 15 වැනි වෙඩි තැබීමේ සිද්ධියය. ජනවාරියේ සිට මේ දක්වා වෙඩි තැබීම් සිද්ධි 100කට වඩා වාර්තා වන බව පොලිස් දත්ත ගොනු අනාවරණය කර තිබේ.
ඝාතනයට ලක් වූ තරුණ ව්යාපාරිකයා 32 හැවිරිදිය. ඔහුගේ බිරිය 30 හැවිරිදිය. ඔවුන්ට දරුවන් දෙදෙනෙක් වෙති. ඔවුන් වාසය කරන වැල්ලව මෙම නිවාස සංකීරණයට අයත් නිවසෙහි ඔවුන් ජීවත් වෙමින් සිට ඇත්තේ කුලී පදනම මතය.
නිවස හතර අතින්ම තාප්පවලින් වටවූ එකක් බවත්, මෙම වෙඩි තැබීමට කොන්ත්රාත්තුව ගත් කුලී ඝාතකයි ඝාතන ඉලක්කය ගෙන ඇත්තේ යාබද ඉඩමක අඹ ගසකට නැග බවත් අනාවරණය වී ඇත.
වෙඩි තැබීම සඳහා ටී 56 ගිනි අවියක් භාවිතා කර තිබෙන බවත් වෙඩික්කරුවා ඉතාම පළපුරුදු ගිනි අවි හසුරුවන්නෙක් බවට සාධක ඇති බවත් විමර්ශන අංශ පවසයි. ඔහු විසින් තබා ඇති වෙඩි පහෙන් හතරක් ඝාතනය වූ තරුණ ව්යාපාරිකයාටත්, ඉතිරි වෙඩිල්ල ඔහුගේ බිරියටත් වැදී ඇත.
වෙඩි වැදුන තරුණ ව්යාපාරිකයා ඒ ස්ථානයේම මිය ගොස් ඇති අතර ඔහුගේ බිරිය ප්රතිකාර සඳහා රෝහල්ගත කර තිබේ.
