කීර්ති ප්රනාන්දු –
අලුත් අවුරුදු උදාවත් සමඟ ඊයේ (14) දින සිට අද( 15) උදෑසන දක්වා හදිසිය අනතුරුවලින් පුද්ගලයන් 185 දෙනෙකු තුවාල ලබා කොළඹ ජාතික රෝහලට ඇතුළත් කර ඇති බව හදිසි අනතුරු ඒකකය පවසයි
එම ඒකකය වාර්තාවලට අනුව ඊයේ( 14) උදෑසන 7 සිට අද (15 )උදෑසන 7 දක්වා පැය 24 ක කාලය තුළදී මාර්ග අනතුරුවලින් පුද්ගලයන් 55 දෙනෙකු, ගැටුම් හේතුවෙන් 44 දෙනකු , ඇදවැටීමෙන් 36 දෙනෙකු , නිවෙස් තුළ සිදු වූ අනතුරු මගින් 07 දෙනකු සහ ගිනිකෙළි අනතුරු වලින් 01 පුද්ගලයෙකු ලෙස වාර්තා වී ඇති බව එම ඒකකය පවසයි .
එසේම වෙනත් වසරවලට සාපේක්ෂව මෙම වසරේ ගිනිකෙළි භාවිතයෙන් සිදු වූ අනතුරුවලින් රෝගීන් වාර්තා වීම ඉතා විශාල ලෙස අඩුවී ඇතැයිද එම ඒකකය උසස් වෛද්යවරයෙකු පැවසීය .
මෙම වසරේ රතිඤ්ඤා මිල ඉහළ යාම හමුවේ ගිනිකෙලි භාවිතය ජනතාව ඈත් වී සිටීම මෙසේ ගිනිකෙළි මගින් සිදු වූ අනතුරු වාර්තා වීම අඩු වීමට හේතු වන්නට ඇති බවද එම නිලධාරියා වැඩිදුරටත් පැවසීය
