ක්රිකට් අතුර පාලක කමිටුව ඉවත් කරගන්නා ලෙස ජනාධිපතිවරයා තමන්ට ඍජුව ප්රකාශ කළ බවත් එසේ ඉවත් නොකළහොත් ක්රීඩා නීතිය තමන් යටතට ගන්නා බවත් ඊයේ කැබිනට් සාකච්ඡාවෙන් පසු තමන්ට පුද්ගලිකව කැඳවා ප්රකාශ කළ බව ක්රීඩා ඇමති රොෂාන් රණසිංහ අද පාර්ලිමේන්තුවේ දී ප්රකාශ කළේය.
අද පාර්ලිමේන්තුව අමතමින් ඇමතිවරයා ප්රකාශ කළේ මෙසේය.
“ඊයේ දිනයේ අතුරු පාලක මණ්ඩලය පත් කිරීමෙන් පස්සේ කැබිනට් මණ්ඩලය ඇතුළෙ සිදුවෙච්චි සිදුවීම මට කියන්න බෑ. ඒක මම ආරක්ෂා කරගන්න ඕන කැබිනට් මණ්ඩලයේ සාමුහික වගකීමක්. “
“නමුත් ජනාධිපතිතුමා මට ඊට පස්සේ කාර්යාලයටත් කතා කරලා කිව්වේ මේ කමිටුව පත් කරපු එක අයින් කරන්න කියලා.”
“එහෙම නැතිනම් ක්රීඩා නීතිය එතුමා යටතට ගන්නවා කියලා. “
“මම කිව්වා ජනාධිපති තුමා ක්රීඩා නීතිය නෙමෙයි, ඔබතුමා මාව අස් කරලා කැමති තීන්දුවක් ගන්න කියලා.”
“මම කිව්වා මම කිසසේත්ම පත් කරපු කමිටුව ඉවත් කරන්නේ නෑ කියලා.”
“මේ පට්ට හොරු රැළ. පතුල පේන්නේ නෑ කළ හොරකම්වල ප්රමාණය. හෙට අන්ද්දා ගහන්න යනවා ටී 10 කියලා එකක්. ඒකත් තවත් එක් මගඩියක්. “
දැ”න් විගණකාධිපතිතුමාගේ වාර්තාව ඇවිත් මාස දෙකක්. පොලිස්පති තුමාට යවනවා. තවම විමර්ශනයක් නෑ. නීතිපති තුමාට දෙනවා නඩු පවරන්න. නඩු නෑ. මට කියනවා තවත් කමිටුවක් දාන්නලු නඩු පවරන්න.”
“අධිකරණයට ගියත්, විගණනය සම්බන්ධ ගැටලුවකට අධිකරණයත් උපෙදස් අහන්නේ දඬුවම් දෙන්න විගණකාධිපතිගෙන්. විගණකාධිපති පාර්ලිමේන්තුවට ඉදිරිපත් කරනවා දඬුවම් දෙන්න කියලා විගණකාධිපති වාර්තාව. ඒත් නීතිපති ක්රියාත්මක වෙන්නෙත් නෑ.”
“2018 දි මේ වගේම දූෂණයක් වුනා. මේ වගේම. ඒවට නඩු පැවරෙන්නෙත් නෑ. අපි අරගලයක් එක්ක මේ වගකීම භාර ගත්තේ. අරගලයෙන් ඉල්ලුවේ දූෂණයෙන් තොර පාලනයක්. ඒ විශ්වාසයෙන් යුතුව මා මේක බාරගත්තා. ඒක උපරිමයෙන් කරනවා. ඒ නිසා තමයි මා කිව්වේ කොහොත්ම පත් කරපු අතුරු පාලක කමිටව ඉවත් කරන්නෙ නෑ කියලා.”
“අද අධිකරණය තීන්දුවක් දීලා තියනවා. ඒ තීන්දුව පිළිබඳ ප්රශ්න තියනවා. ඒ සම්බන්ධව මං හෙට කතා කරනවා. “
