තේවාව භාර තමන්වහන්සේලාට බොහෝ සම්බන්ධකම් ඇති බවත්, එම සම්බන්ධකම් මත තමන්වහන්සේලාට අවශ්ය පුද්ගලයින් ගෙන්වා මෙවැනි අවස්ථාවක සිරි දළදා වන්දනාව සිදුකරන බවත් ඊයේ (21) එක්තරා ප්රබල හිමි නමක් සිරි දළදා වන්දනාවේ දෛනික සමාලෝචනය සම්බන්ධව උල්පැන්ගේ පරිශ්රයේ පවත්වන රැස්වීමේ දී දිසාපතිවරයා වෙත දැනුම්දී ඇතැයි අතිශය විශ්වාසකටයුතු අභ්යන්තර ආරංචි මාර්ග සඳහන් කරයි.
සිරි දළදා වන්දනාවේ මෙහෙයුම් කටයුතු පිළිබඳ දෛනික සමාලෝචනයක් කරමින් ඉදිරි දිනයන්හි පැමිණෙන අභියෝග සහ ගැටලුවලට පිළිතුරු සොයා ගැනීම සඳහා මෙම රැස්වීම දිසාපතිවරයාගේ ප්රධානත්වයෙන් මල්වතු අස්ගිරි උභය පාර්ශවයේ වගකීම් දරන හිමිවරුන්, දියවඩන නිලමේවරයා, ඇතුළු වගකීම් දරන ආයතනවල සියලුම නිලධාරීන් එක්ව දළදා වන්දනාව පැවැත්වෙන දිනයකම සවස පවත්වනු ලබයි.
මෙහිදී නිලධාරීන් මතුකළ ප්රශ්නයක් වූයේ VIP පෝලිම් නිසා ඇති වී තිබෙන නොසන්සුන්තාවය ය. දින තුනක් තිස්සේ පෝලිම්වල රැඳී සිටිමින් මහ ජනතාව දුක් විඳිද්දී, විශේෂ පෝලිම් නොපත්වන ලෙස රජය ප්රතිපතත්තිමය ඉල්ලීමක් සිදුකර ඇති අවස්ථාවක දී මෙවැනි පෝලිම් පැවැත්වීමට කටයුතු කිරීම සිදුනොකළ යුතු බවය.
නිලධාරීන් මතුකළ මෙම ගැටලුව ආණ්ඩුකාරවරයා විසින් මල්වතු අස්ගිරි උභය පාර්ශවයේ හිමිවරන්ට සහ දියවඩන නිලමේවරයා වෙත යොමු කර ඇත්තේ එම එම තත්ත්වය විසඳීම සඳහාය.
ඒ අවස්ථාවේ දී එක් ප්රබල හිමිනමක් ඉදිරිපත්වී තමන්ගේ හිතවතුන් ප්රභූන් පෝලිමේ නොතබා වන්දනා කරවීම දිගටම සිදුකරන බවය.
විශ්වාස කටයුතු ආරංචි මාර්ග පවසන්නේ පෝලිමෙන් පිට සිදුකරන වන්දනාවේ දී කිසිම ඇමතිවරයෙකුගේ රජයේ දේශපාලකයෙකුගේ හෝ වෙනත් හිතවතෙකුගේ සම්බන්ධකම් සහිත පුද්ගලයින් ඊයේ දිනය වනතුරු හමුවී නැති බවය.
