2013 අංක 2 දරන අපරාධ නඩු විධාන සංග්රයේ (විශේෂ විධිවිධාන) පනතේ බලාත්මකවීම තවත් වසර 02කට දීර්ඝ කරගැනීම සඳහා එය පාර්ලිමේන්තුවට ඉදිරිපත් කිරීමට කැබිනට් අනුමැතිය ලැබී තිබේ.
2013 අංක 2 දරන අපරාධ නඩු විධාන සංග්රහය (විශේෂ විධිවිධාන) පනත මඟින් විමර්ශන පැවැත්වීම පහසු කිරීම සඳහා වරෙන්තුවක් නොමැතිව සිරභාරයට ගනු ලැබූ තැනැත්තන් රඳවා තබා ගැනීමේ කාලසීමාව දීර්ඝ කිරීමට ද, ඇතැම් නඩු වලදී ලඝු නොවන පරීක්ෂණ පැවැත්වීම බැහැර කිරීම සඳහා ද, පැමිණිල්ලේ සාක්ෂිකරුවන්ගේ දිවුරුම් සාක්ෂි ලබා ගැනීම සඳහා ද, ඊට සම්බන්ධ කාරණා සඳහා ද විධි විධාන සලසා ඇත.
එකී පනතේ විධිවිධාන, පනත ක්රියාත්මක වූ දින සිට වසර 02 ක කාලයක් සඳහා වලංගු වේ.
එම පනතේ 7 වන වගන්තියේ (2) වන උපවගන්තියට අනුව, ගැසට් පත්රයේ පළ කරනු ලබන නියමයක් මඟින් අධිකරණ විෂය භාර අමාත්යවරයා විසින් පනත ක්රියාත්මක වීම තවදුරටත් දීර්ඝ කරනු ලැබීය හැක. ඒ අනුව, එකී පනත ක්රියාත්මක වීම මේ දක්වා වරින්වර දීර්ඝ කරනු ලැබ තිබේ.
අදාළ පනතේ විධිවිධාන ක්රියාත්මක වීම 2025-02-02 දින සිට තවත් වසර 02ක කාලයකින් දීර්ඝ කරමින් අංක 2418/28 හා 2025-01-08 දිනැති අති විශෙෂ ගැසට් නිවේදනයේ පළ කරනු ලැබ ඇති නියමය පාර්ලිමේන්තුවට ඉදිරිපත් කිරීම පිණිස අධිකරණ සහ ජාතික ඒකාබද්ධතා අමාන්යතුමා ඉදිරිපත් කළ යෝජනාව අමාත්ය මණ්ඩලය විසින් අනුමත කර ඇත.
