ජනාධිපතිවරණය පැවැත්වෙන දිනය අනිවාර්යයෙන් ලබන සතියේ ප්රකාශයට පත් කරන බව මැතිවරණ කොමසාරිස් ආර්.එම්.ඒ.එල් රත්නායක පවසයි. නිවුස් ෆස්ට් සමග කළ සාකච්ඡාවක දී ඔහු මේ බව අවධාරණය කළේය.
මැතිවරණ කොමිසමේ සභාපතිවරයා මෙම ප්රකාශ කරන්නේ රාහු කාලයත් පදනම් කරගනිමින් මැතිවරණ දිනය ප්රකාශ කිරීමට දින ගණනාවක් කල් මැරීම ගැන විපක්ෂයේ දේශපාලන පක්ෂ සහ සිවිල් කණ්ඩායම් මැතිවරණ කොමිසම දැඩි ලෙස විවේචනය කරන පසුබිමකදී ය.
” වසර ගණනාවක අත්දැකීම්වලින් මම දැකලා තියනවා නාමයෝජනා භාරදීමට එන බොහෝ අපේක්ෂකයින් නැකතක් අරගෙන එනවා, දිසාවක් බලනවා… ඒ වගේ දේවල් කරනවා. “
” ඒ නිසයි මම කිව්වේ නාමයෝජනා දිනය තීරණය කරනකොට මම ඒකත් සැලකිලිමත් වෙනවා කියලා. ඒ හැරෙන්න රාහු කාලය බලබලා මේක දිනය තීරණය කරනවත් වෙන මොකක්වත් නෙමෙයි කිව්වේ.”
“එතකොට අනිත් එක මේ දිනය සම්බන්ධයෙන් නොයෙකුත් ගැටලු තිබෙනවා. මම එක උදාහරණයක් විතරක් කියන්නම්. ජූලි මාසේ 17 වැනිදා අපට බලය ලැබුනට ඒක සැප්තම්බර් මාසේ 17 වැනිදා තමයි අපට ඡන්ද රැස්වීම් පටවත්වන්න පුලුවන් වෙන්නේ.”
“එතකොට ජූලි 17 වැනිදා අපි ඡන්ද විමසීම ප්රකාශයට පත් කළොත් සැප්තැම්බර් 17 වැනිදා කියන්නේ පෝය දවසක්. ඒ පෝය දවසේ ඡන්ද විමසීම පවත්වන්න බෑ. 18 වැනිදා එන්නේ පෝය දිනයට පහුවෙනිදා. එතකොට ඒ දවසේ අපි ඡන්ද පොළවල්වලට බොහෝ විට යොදා ගන්නවා පන්සල්. එතකොට ගැටලු එනවා.”
ඊලඟට නිලධාරීන් ප්රවාහනය කිරීමේ ගටලු එනවා. ඒ නිසා 18 වැනිදා ඒක අමාරුයි. ඉතින් මම අර එදා කිව්වා වගේම සැප්තැම්බර් මාසේ 18 වැනිදාට පසුව යෙදෙන ඉතාම ආසන්න නිවැරදිම දිනයේ දී අපි ඡන්ද විමසීම පවත්වනවා. ඒ බව වගකීමෙන් යුතුව ප්රකාශ කරනවා.
ඒ වගේම ලබන සතිය තුළ අනිවාර්යයෙන්ම ඡන්ද විසීම් දැන්වීම නිකුත් කරනවා. ඒ දෙක මම මේ කාරණාව සම්බන්ධව විශ්වාසයෙන් යුතුව ප්රකාශ කරන්න කැමතියි.
