මනම්පිටිය නිමල් ජයරත්න –
ඓතිහාසික දිඹුලාගල පුදබිමේ බමුණාකොටුව බෞද්ධ විහාරයට ආසන්නව අන්යාගමික මධ්යස්ථානයක් ආරම්භ කර පවත්වාගෙන යෑමට එරෙහිව බෞද්ධ විහාරයේ විහාරාධිපති ස්වාමීන් වහන්සේ ඇතුළු බමුණාකොටුව ගම්මානයේ ගම්වාසින් පිරිසක් මාදුරුඔය මනම්පිටිය ප්රධාන මාර්ගය දිඹුලාගල ප්රාදේශීය ලේකම් කාර්යාලය ඉදිරිපිටින් අවහිර කරමින් අද ( 14 ) විරෝධතාවක නිරත වූහ.
ගම්මානයේ අන්යාගමක මධ්යස්ථානයක් ඉදිකිරීම අනවශ ගැටුම් ඇති කරන්නක් බවත්, තම ගම්මානයේ බෞද්ධයන් පමණක් ජීවත් වන නිසා මෙම අන්යාගමික මධ්යස්ථානය ඉදිකිරීම සමාජ සංස්කෘතික යථාර්ථයට මෙන්ම තරක්යට ද නොගැලපෙන බවත්, එම ඉදිකිරීමේ යටි අරමුණක් ඇතැයි සිතෙන බවත්, අනුශාසනාවක් සිදුකරමින් බමුණාකොටුව බෞද්ධ විහාරාධිපති බදුල්ලේ රක්ඛිත ස්වාමීන් වහන්සේ සඳහන් කළහ.
මෙම මධ්යස්ථානය ඉදිකරන අවස්ථාවේදි ගම්වාසීන්, දායකකාරකාදීන් ලිඛිත වහා වාචිකව විරෝධය පළකර ද ඊට බලධාරීන් කිසිදු ප්රතිචාරයක් නොදැක්වූ බවද විරෝධතාකරුවෝ සඳහන් කළහ.
එම ස්ථානයේ සාමය ආරක්ෂා කිරීම සඳහා මනම්පිටිය පොලිස් ස්ථානයෙන් ආරක්ෂාවද යොදවා තිබූ අතර, විරෝධතාකරුවන් විරෝධතාවයක් සිදුකරන අතරතුර ස්ථානයට වැඩම කළ දිඹුලාගල උතුරු ශාසනාරක්ෂක බල මණ්ඩලයේ හිටපු ලේඛකාධිකාරී අත්තනකඩවල ජනතාලංකර නාහිමියන් ප්රමුඛ විහාරාධිපති ස්වාමීන් වහන්සේ සහ කිහිපදෙනෙක් ප්රාදේශීය ලේකම් හයිරුන් නිශා හමුවීමට තීරණය කලහ.
එම සාකච්ඡාවෙන් අනතුරුව මාධ්ය වෙත අදහස් දැක්වූ බමුණාකොටුව බෞද්ධ විහාරාධිපති බදුල්ලේ රක්ඛිත ස්වාමීන් වහන්සේ සඳහන් කළේ විහාරස්ථානය අසල ඉදිකරන අන්යාගමික මධ්යස්ථානය ඉදිකිරීම් කටයුතු නතර කිරීමට ප්රාදේශීය ලේකම්වරිය පොරොන්දු වූ බවය. ඒ අනුව විරෝධතාවය අවසන් කිරීමට විරෝධතාකරුවන් තීරණය කරන බවයි.
මෙම විරෝධතාවය සඳහා දායක කාරකාදීන් 150 කට ආසන්න සංඛ්යාවක් සහභාගී වු අතර පැය දෙකක පමණ කාලයක විරෝධතාවයක් දක්වා ඔවුන් විසිර ගියහ.
