රඹුක්කන ඝාතනයට සම්බන්ධ පොලිස් සැකකරුවන් සිවු දෙනාගේ වෛද්ය වාර්තා අධිකරණයට ඉදිරිපත් කරන ලෙස කෑගල්ල මහේස්ත්රාත් අධිකරණයෙන් නියෝග කර තිබේ.
ඒ අනුව මේ වනවිට කුණ්ඩසාල පොලිස් රෝහලේ ප්රතිකාර ගන්නා පොලිස් සැකකරුවන් නිරීක්ෂණය සඳහා තෙල්දෙණිය මහේස්ත්රාත් වරයාත් නාරාහේන්පිට පොලිස් රෝහලේ ප්රතිකාර ගන්නා හිටපු ජ්යෙෂ්ඨ පොලිස් අධිකාරී කේ.බී. කීර්තිරත්න පිළිබඳ නිරීක්ෂණයට කොටුව මහේස්ත්රාත්වරයාත් රෝහල් වෙත ගොස් ඇතැයි වාර්තා වේ.
මෙම නිලධාරීන් අත්අඩංගුවට ගැනීමට කෑගල්ල මහේස්ත්රාත්වරිය නියෝග නිකුත් කළ වහාම ඔවුහු රෝහල් ගත වූහ. හිටපු ජ්යෙෂ්ඨ පොලිස් අධිකාරීවරයා නාරාහේන්පිට පොලිස් රෝහලටත් සෙසු නිලධාරීන් කුණ්ඩසාල පොලිස් රෝහලටත් ඇතුළත් වී සිටියහ.
රඹුක්කන වෙඩි තැබීමේ සිද්ධිය සම්බන්ධයෙන් කෑගල්ල ප්රදේශය භාර හිටපු ජ්යෙෂ්ඨ පොලිස් අධිකාරී කේ.බී. කීර්තිරත්න සහ තවත් පොලිස් කොස්තාපල්වරු තිදෙනෙක් අපරාධ පරීක්ෂණ දෙපාර්තමේන්තුව විසින් ඊයේ රාත්රියේ දී අත්අඩංගුවට ගැනුණි.
මෙම වෙඩි තැබීම හේතුවෙන් චමින්ද ලක්ෂාන් නැමැති 42 හැවිරිදි දෙදරු පියෙක් ඝාතනය විය. පොලිසියේ නිලධාරීන් 15 දෙනෙකු ඇතුලු 27 දෙනෙකු තුවාල ලැබූහ. ඔවුන් අතරින් තවත් 8 දෙනෙකු වැඩිදුර ප්රතිකාර ලබමින් සිටිති.
