අද (20) දිනයේදීත් බස්නාහිර, සබරගමුව, මධ්යම, ඌව, වයඹ, දකුණු සහ උතුරු පළාත්වල ඇතැම් ස්ථානවල මි.මී. 100ට වැඩි තද වැසි ඇති විය හැකි බව කාලගුණ විද්යා දෙපාරත්මේන්තුව පුරොකථනය කරයි.
දිවයිනට ගිනිකොණ දෙසින් පහළ වායුගෝලයේ කැළඹිලි ස්භාවයක් වර්ධනය වී ඇති බවත් එම නිවේදනයේ දැක්වේ. දිවයිනේ බොහෝ ප්රදේශවල අහස වලාකුළින් බරව පැවතිය හැකි අතර විටින් විට වැසි හෝ ගිගුරුම් සහිත වැසි ඇති වේ.
ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස එම දෙපාර්තමේන්තුව ජනතාවට දන්වා සිටී.
මුහුදේ ස්වරූපය
දිවයිනට ගිනිකොණ දෙසින් පහළ වායුගෝලයේ කැළඹිලි ස්භාවයක් වර්ධනය වී ඇති බැවින් දිවයිනට ගිනිකොණදිග ගැඹුරු සහ නොගැඹුරු මුහුදු ප්රදේශයේ ධීවර සහ නාවුක කටයුතුවල යෙදෙන ප්රජාව, මේ පිළිබඳ සිය අවධානය යොමු කරන ලෙස ධීවර හා නාවික ප්රජාව වෙත කාලගුණ විද්යා දෙපාර්තමේන්තුව දන්වයි.
ගාල්ල සිට මාතර, හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල විටින් විට වැසි හෝ ගිගුරුම් සහිත වැසි ඇති වන බවත් අනෙකුත් මුහුදු ප්රදේශවල තැනින් තැන වැසි හෝ ගිගුරුම් සහිත වැසි ඇතිවන බවත් එම නිවේදනයේ සඳහන්ය.
සුළං නිරිත දෙසින් හෝ නිශ්චිත දිශාවකින් තොරව හමා එන අතර සුළගේ වේගය පැ.කි.මී. (25-35) පමණ වේ. ගාල්ල සිට මාතර, හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළගේ වේගය විටින් විට පැ.කි.මී. 50 පමණ දක්වා ඉහළ යා හැකි බව කාලගුණ විද්යා දෙපාර්තමේන්තුව කියයි.
ගාල්ල සිට මාතර, හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශ විටින් විට තරමක් රළු විය හැකි නමුත් දිවයින වටා වන සෙසු මුහුදු ප්රදේශ සාමාන්ය ස්වභාවයේ පවතින එම නිවේදනයේ දැක්වේ .
ගිගුරුම් සහිත වැසි ඇති වන විට එම මුහුදු ප්රදේශවල තාවකාලිකව තද සුළං ඇති විය හැකි අතර එවිට එම මුහුදු ප්රදේශ තාවකාලිකව ඉතා රළු විය හැකි බවට වූ අනතුරු ඇඟවීමක් ද එම නිවේදනයේ වෙයි.
නායේ යෑමේ අනතුරු අඟවීම
ඉකුත් පැය 24 තුළ වර්ෂාපතනය මිලි මීටර 100 ඉක්මවූ සහ පාංශු ජල දර්ශකය මිලි මීටර 125 ඉක්මවූ බැවින් නාය යාම් පිලිබඳ දෙවැනි මට්ටමේ අනතුරු ඇඟවීම් මේ වනවිට මහනුවර යටිනුවර සහ උඩ දුම්බර ප්රාදේශීය ලේකම් කොට්ඨාසවලටත්, කෑගල්ල දිස්ත්රික්කයේ මාවනැල්ල, යටියන්තොට, කෑගල්ල, අරනායක සහ දෙහිඕවිට ප්රාදේශීය ලේකම් කොට්ඨාසවලටත්, කඳුකර සහ බෑවුම් ප්රදේශවල ජීවත්වන ජනතාවට දෙවැනි මට්ටමේ නායේ යෑමේ අනතුරු ඇඟවීම් ආපදා කළමනාකරණ මධ්යස්ථානය විසින් නිකුත් කර ඇත.
තවද පරීක්ෂාකාරීව සිටින ලෙස කෙරෙන පළමු මට්ටමේ නායේ යෑමේ අනතුරු ඇඟවීම් බදුල්ල දිස්ත්රික්කයේ හල්දුම්මුල්ල, පස්සර, ප්රාදේශීය ලේකම් කොට්ඨාසවලටත්, කොළම දිස්ත්රික්කයේ සීතාවක ප්රාදේශීය ලේකම් කොට්ඨාසටයටත්, ගාල්ල දිස්ත්රික්කයේ නාගොඩ, නෙළුව සහ ඇල්පිටිය ප්රාදේශීය ලේකම් කොට්ඨාසවලටත්, මහනුවර දිස්ත්රිික්කයේ උඩුනුවර, දෙල්දොට, උඩපලාත, දොලුව, පාත දුම්බර, පාතහේවාහැට, ගඟ ඉහළ කෝරලේ, ප්රාදේශීය ලේකම් කොට්ඨාසවලටත්, කැගල්ල දිස්ත්රික්කයේ බුලත්කොහුපිටිය, ගලිගමුව, රුවන්වැල්ල, වරකාපොල සහ රඹුක්කන ප්රාදේශීය ලේකම් කොට්ඨාසවලටත්, කුරුනෑගල දිස්ත්රික්කයේ නාරම්මල අලව්ව, රිදීගම, සහ මැල්ලවපිටිය ප්රාදේශීය ලේකම් කොට්ඨාසවලටත්, මාතලේ යටවත්ත, උකුවෙල, පල්ලේපොල, ලග්ගල, නාඋල, අඹන්ගඟ කොරලේ සහ රත්තොට ප්රාදේශීය ලේකම් කොට්ඨාසවලටත්, නුවරඑලිය වළපනේ, අඹගමුව, නෝවුඩ් සහ හඟුරන්කෙත ප්රාදේශීය ලේකම් කොට්ඨාසවලටත්, රත්නපුර දිස්ත්රික්කයේ කලවාන, ඉඹුල්පේ, රත්නපුර සහ ඇහැලියගොඩ ප්රාදේශීය ලේකම් කොට්ඨාසවලටත් නිකුත් කර තිබේ.
මේ වනවිට ජලාශ හතරක් වාන් දමමින් ඇති බව වාරිමාර්ග දෙපාර්තමේන්තුව වාර්තා කරයි. රාජාංගන ජලාශය, සොරබොර ජලාශය, සියඹලන්ගමුව ජලාශය සහ අඹේවෙල ජලාශය මෙසේ වාන් දමමින් ඇත.
