කොළඹ කෙසෙල්වත්තේ මාටිස් පටුමගේ පදිංචි දැරියන් තිදෙනෙක් අතුරුදන්වීමක් සම්බන්ධයෙන් කෙසෙල්වත්ත පොලීසිය විමර්ශනයක් අරඹා තිබේ.
අවුරුදු 13 ත් 15 අතර වයස්වල පසුවන එකම පවුලේ සහෝදරියන් දෙදෙනෙක් ඥාති සහෝදරියක් මෙසේ අතුරුදන්ව ඇත.
15 හැවිරිදි ෆාතිමා රක්ෂා, 13 හැවිරිදි ෆාතිමා කදිරා, 13 හැවිරිදි ගම්පොළ සිට පැමිණි ෆාතිමා වාර්යා මෙසේ අතුරුදන් බවට පොලීසියට පැමිණිලි කර ඇත්තේ ඊයේ දිනයේදී ය.
ඔවුන් මවගේ ජංගම දුරකතනය ද ගෙනගොස් ඇතැයි පොලීසිය කියයි.
කොළඹ මධ්යම කොට්ඨාශයේ අපරාධ විමර්ශන ඒකකය සහ කෙසෙල්වත්ත පොලීසියේ කණ්ඩායම් දෙකක් මේ පිළිබඳ විමර්ශනයක යෙදී සිටී.
මොවුන් පිළිබඳ තොරතුරක් ඇතොත් වහාම ළඟම පොලීසියට දැනුම් දෙන ලෙස ද දන්වා සිටී.
