සහල් ඇතුළු අත්යවශ්ය ආහාර සහ කෘෂිකාර්මික සහ ඉදිකිරීම් කර්මාන්තවල භාවිත වන අත්යවශ්ය අමුද්රව්ය ගණනාවක් සඳහා විශේෂ රෙගුලාසි කිහිපයක් පනවමින් පාරිභෝගික කටයුතු පිළිබඳ අධිකාරිය අති විශේෂ ගැසට් නිවේදනයක් පනවා ඇත.
ඊයේ නිකුත් කරන ලද මෙම අති විශේෂ ගැසට් නිවේදනයට අනුව එහි සඳහන් වන සෑම භාණ්ඩයක්ම පාරිභෝගික අධිකාරියේ අනුමැතියකින් තොරව අනවශ්ය ලෙස තොග එක්රැස් කරගෙන සිටීම, උපරිම ධාරිතාවකින් යුතුව නිෂ්පාදනය කිරීම ඇතුළු කොන්දේසි කිහිපයක් ප්රකාශයට පත් කොට ඇත.
එසේම මෙම භාණ්ඩ තමන්ට නිසි ලෙස වෙළෙඳපොළට සැපයිය නොහැකි නම් ඒ සඳහා බලපාන හේතු සහිත ව දැන්විය යුතු බවටද මෙම ගැසට් නිවේදනය මඟින් නියම කොට තිබේ.
උපලේඛන දෙකක් යටතේ අදාළ භාණ්ඩ ගැසට් කර ඇති අතර එහි පළමු උපලේඛනයේ සහල්, සත්තව ආහාර, බිත්තර, පරිප්පු, සිමෙන්ති, ළදරු නැපි සහ සනීපාරක්ෂක නිෂ්පාදන, කිරිපිටි, වානේ සහ යකඩ තහඩු වැනි නිෂ්පාදන රැසක්ද දෙවන උපලේඛනයේ කෘෂි රසායන ද්රව්ය, මෝටර් රථ අමතර කොටස් , ලොකු ලූණු, කුකුළු මස්, ආහාරයට ගන්නා තෙල් ඇතුළු නිෂ්පාදන ගණනාවක්ද ඇතුළු කොට තිබේ.
මෙම ගැසට් නිවේදනය පහත දැක්වේ.
