මනෝප්රිය ගුණසේකර –
සොරකම් සිද්ධියක් සම්බන්ධයෙන් අත්අඩංගුවට ගත් පුද්ගලයකු නීතීවීරෝධී ආකාරයෙන් රඳවා තබාගෙන කෲර ලෙස පහරදී මරා දැමීමේ චෝදනාවන්ට වරදකරුවන් වු පෑලියගොඩ පොලිසියේ අපරාධ විමර්ශන අංශයේ හිටපු නිලධාරීන් දෙදෙනෙකුට කොළඹ මහාධිකරණ විනිසුරු නවරත්න මාරසිංහ මරණීය දණ්ඩණය අද (04) නියම කළේය.
සමස්ථ පොලිසිය කෙරෙහිම මහජන විශ්වාසය පළුදු වන ආකාරයට විත්තිකරුවන් පිළිකුල් සහගතව කටයුතු කර ඇතැයි පෙන්වා දෙමින් විත්තිකරුවන්ට මරණීය දණ්ඩනය පැනවු විනිසුවරයා මරණීය දණ්ඩනයට අමතරව විත්තිකරුවන්ට වසර 12 බැගින් බරපතල වැඩ සහිත සිරදඬුවම් සහ රුපියල් 65000/- බැගින් දඩ නියම කළේය.
පොලිසි පහරදීමෙන් මියගිය පුද්ගලයාගේ දියණියට රුපියල් ලක්ෂ 20 වන්දියක් ගෙවීමටද අධිකරණයෙන් චූදිතන්ට නියම කෙරිනි.
වසර 18කට පෙර පෑලියගොඩ පොලිසියේදී කළ මෙම අපරාධයට වරදකරුවන්වීම නිසා මෙලෙස දඬුවම් නියම වුයේ පෑලියගොඩ පොලිසියේ අපරාධ විමර්ශන අංශයේ උප පොලිස් පරීක්ෂවරයකු වශයෙන් සේවය කළ කේ.එල්.චමින්ද කුමාර සහ කොස්තාපල්වරයකු වශයෙන් සේවය කළ (33564) එස්.ඒ.කේ. අනුර ධර්මප්රිය වීරවර්ධන නමැත්තන්ටය. – ලංකාදීප
