ලබන මාසයේ සිට රජයේ සේවකයින්ටත්, ඉන් මාස දෙකකට පසු පුද්ගලික අංශයේ සේවකයින්ටත් ඔන්ලයින් (Online) ක්රමය ඔස්සේ දුම්රිය වාර ප්රවේශපත්ර (Season Tickets) ලබා ගැනීමේ පහසුකම් සලසන බව ප්රවාහන හා මහාමාර්ග ඇමති බිමල් රත්නායක අද පාර්ලිමේන්තුවේ දී පැවසුවේය.
ඇමතිවරයා වැඩිදුරටත් ප්රකාශ කළේ මේ වනවිට දුම්රිය වාර ප්රවේශපත්ර ලබාගැනීමේදී රාජ්ය සේවකයින් මුහුණ දෙන අධික කාර්යබහුල සහ වෙහෙසකර ලිපි ලේඛන පිරවීමේ ක්රියාවලිය මෙමඟින් සම්පූර්ණයෙන්ම නැතිවී යන බවයි.
එහිදී අදහස් දැක්වූ ඇමතිවරයා මෙසේද සඳහන් කළේය.
“දුම්රිය වාර ප්රවේශපත්රයක් ලබා ගැනීමට රජයේ සේවකයෙකුට විශාල ප්රශ්න පත්රයක් වැනි පත්රිකාවක් පුරවන්නට සිදු වෙනවා. සෑම මාසයකම එය පුරවමින් දුම්රිය ස්ථාන වෙත පැමිණිය යුතුයි.
අපි හෙට දින සිට රජයේ සේවකයින් වෙනුවෙන් වෙබ් අඩවියට පිවිස තමන්ගේ වාර ප්රවේශපත්රය ලබාගත හැකි ඔන්ලයින් වැඩපිළිවෙළේ නියමු ව්යාපෘතිය (Pilot Project) ආරම්භ කරනවා. ලබන මාසයේ සිට එම ව්යාපෘතිය නිල වශයෙන් සහ ස්ථාවරව ක්රියාත්මක කිරීමට නියමිතයි. ලක්ෂ සංඛ්යාත ජනතාවක් සමඟ කටයුතු කිරීමේදී මුලින්ම නියමු ව්යාපෘතියක් ලෙස මෙය ක්රියාවට නැංවිය යුතුයි.
ලබන මාසයේ සිට රජයේ සේවකයින්ට වාර ප්රවේශපත්ර ලබා ගැනීමට අපහසුතා විඳීමට සිදු වන්නේ නැහැ. එමෙන්ම පුද්ගලික අංශයේ සේවකයින් වෙනුවෙන්ද තව මාස දෙකකින් ඔන්ලයින් ක්රමයට තමන්ගේ වාර ප්රවේශපත්ර ලබා ගැනීමේ අවස්ථාව සලසා දීමට අප බලාපොරොත්තු වෙනවා.”
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
