මීගමුව බන්ධනාගාරයේ පසුගිය ඉරිදා (05) සහ සඳුදා (06) හටගත් කැරලිකාරී තත්ත්වය හමුවේ බූස්ස සහ අඟුණකොළපැලැස්ස බන්ධනාගාර වෙත මාරුකර යැවූ රැඳවියන් දෙදෙනෙකු ජීවිතක්ෂයට පත්ව තිබේ.
බන්ධනාගාර ආරංචි මාර්ග සඳහන් කරන්නේ මොවුන් දෙදෙනා හදිසි අසනීප තත්ත්වයන් හේතුවෙන් මෙම රැඳවූවන් දෙදෙනා මියගොස් ඇති බවය.
මීගමුව බන්ධනාගාරය තුළ දැඩි නොසන්සුන්කාරී වාතාවරණයක් සහ ගැටුමක් ඇති කිරීමට මුල් වූ බව කියන ‘කටුවැල්ලේගම සුරේෂ්’ නැමැත්තා ඇතුළු එහි රඳවා සිටි රැඳවියන් 1,033 දෙනෙකු ආරක්ෂිත පියවරක් ලෙස දිවයිනේ වෙනත් බන්ධනාගාර වෙත මාරුකර යැවීමට බලධාරීන් පියවර ගෙන තිබුණි. එලෙස මාරු කළ රැඳවියන් පිරිසට අයත් දෙදෙනෙකු මෙලෙස අවාසනාවන්ත ලෙස ජීවිතක්ෂයට පත්ව ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
