ලංකා ඛනිජ තෙල් සංස්ථාවේ මිල සංශෝධනයට සමගාමීව ලංකා අයි.ඕ.සී (LIOC) සහ සයිනොපෙක් (Sinopec) යන සමාගම් ද සිය ඉන්ධන මිල ගණන් ඊයේ (30) මධ්යම රාත්රියේ සිට ක්රියාත්මක වන පරිදි ඉහළ දමා තිබේ.
කෙසේවෙතත්, සයිනොපෙක් සමාගම මෙවර සුපර් ඩීසල් මිලෙහි කිසිදු සංශෝධනයක් සිදුකර නොමැති අතර, ඔවුන් මේ වන විටත් සුපර් ඩීසල් ලීටරයක් රුපියල් 600ක මිලකට අලෙවි කරනු ලබයි.
ඊයේ මධ්යම රාත්රියේ සිට ක්රියාත්මක වන පරිදි සියලු ඉන්ධන වර්ගවල මිල ගණන් ඉහළ දැමීමට ලංකා ඛනිජ තෙල් සංස්ථාව පියවර ගත්තේය. ඒ අනුව සංස්ථාවේ නව මිල ගණන් පහත පරිදි වේ;
- ඔක්ටේන් 92 පෙට්රල්: රුපියල් 24කින් ඉහළ දමා ඇති අතර නව මිල රුපියල් 434කි. (පැරණි මිල රුපියල් 410)
- ඔක්ටේන් 95 පෙට්රල්: රුපියල් 25කින් ඉහළ දමා ඇති අතර නව මිල රුපියල් 495කි. (පැරණි මිල රුපියල් 470)
- ඔටෝ ඩීසල්: රුපියල් 15කින් ඉහළ දමා ඇති අතර නව මිල රුපියල් 407කි. (පැරණි මිල රුපියල් 392)
- සුපිරි ඩීසල්: රුපියල් 20කින් ඉහළ දමා ඇති අතර නව මිල රුපියල් 478කි. (පැරණි මිල රුපියල් 458)
- භූමිතෙල්: රුපියල් 20කින් ඉහළ දමා ඇති අතර නව මිල රුපියල් 285කි. (පැරණි මිල රුපියල් 265)
ඛනිජ තෙල් සංස්ථාවේ මෙම මිල ඉහළ දැමීමට සාපේක්ෂව ලංකා IOC සහ සයිනොපෙක් සමාගම් ද සිය මිල ගණන් සංශෝධනය කර ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
