දිනසේන රතුගමගේ –
දැඩි ලෙස බීමත්ව මගීන් 58 දෙනෙකු ද රැගෙන මුලතිව් සිට වවුනියාව බලා ලංගම බස් රථයක් ධාවනය කළ රියදුරෙකු ඊයේ ( මැයි 18 ) ගමනාගමන නිලධාරීන් විසින් අත්අඩංගුවට ගෙන තිබේ.
අදාළ බස් රථයේ ගමන් ගත් මගියෙකු විසින් රියදුරා බීමත්ව රථය ධාවනය කරන බවට මාර්ගස්ථ ප්රවාහන අධිකාරියේ උතුරු පළාත් සභාපති එස්. විමලේස්වරන් වෙත දුරකතන පණිවුඩයකින් දැනුම් දී ඇත. ඒ අනුව වහාම ක්රියාත්මක වූ නිලධාරීන් පිරිසක් යොදවා සිදු කළ පරීක්ෂාවකදී රියදුරා අධික ලෙස මත්පැන් පානය කර ඇති බව හෙළි වී තිබේ.
සිද්ධිය සම්බන්ධයෙන් සිදු කළ ප්රශ්න කිරීම් හමුවේ අදාළ බස් රථයේ රියදුරු ද සිය වරද පිළිගෙන ඇත.
මේ අතර සිද්ධියෙන් පසුව බස් රථයේ කොන්දොස්තරවරයාගෙන් ද ප්රකාශයක් සටහන් කර ගැනීමට නිලධාරීන් පියවර ගෙන තිබේ.
සභාපතිවරයාගේ උපදෙස් මත මේ වන විට අදාළ බස් රථ රියදුරාගේ සේවය වහාම ක්රියාත්මක වන පරිදි අත්හිටුවා ඇති අතර, සිද්ධිය සම්බන්ධයෙන් ඉදිරි විධිමත් පරීක්ෂණ පවත්වාගෙන යනු ලබයි.
