ජනාධිපති අනුර කුමාර දිසානායක සහ ජාත්යන්තර ක්රිකට් කවුන්සිලයේ (ICC) සභාපති ජේ ෂා අතර පැවති විශේෂ සාකච්ඡාවෙන් අනතුරුව එම හමුව සම්බන්ධයෙන් සිය නිල ‘X’ (ට්විටර්) ගිණුමේ සටහනක් තබමින් “ශ්රි ලංකා ජනාධිපතිවරයා හමුවීමට ලැබීම තමන් ලැබූ සුවිශේෂී වරප්රසාදයක් කොට සලකන බව” ජේ. ෂා ප්රකාශ කර තිබේ.
ෂා සිය එක්ස් පණිවිඩයේ සඳහන් කර ඇත්තේ මෙම සාකච්ඡාවේදී ප්රධාන වශයෙන්ම අවධානය යොමු වී ඇත්තේ නැගී එන ක්රීඩකයින් සඳහා වන අවස්ථා තවදුරටත් පුළුල් කිරීම, බිම් මට්ටමේ සහ තරුණ ක්රිකට් සංවර්ධන වැඩසටහන් ශක්තිමත් කිරීම පිළිබඳව බවය. එමෙන්ම ක්රිකට් ක්රීඩාව සමාජයීය බලපෑමක් සහ ආර්ථික වර්ධනයක් ඇති කරලීමේ මෙවලමක් ලෙස භාවිත කරන්නේ කෙසේද යන්න පිළිබඳවද මෙහිදී දීර්ඝ ලෙස අදහස් හුවමාරු වී ඇත.
ප්රධාන පෙළේ ජාත්යන්තර ක්රිකට් තරඟාවලි සඳහා සත්කාරකත්වය සැපයීමේදී ශ්රී ලංකාව දිගින් දිගටම ඉටු කරන කාර්යභාරය සහ ගෝලීය ක්රිකට් සංවර්ධනය වෙනුවෙන් දක්වන දායකත්වය ද ජේ ෂාගේ ඇගයීමට ලක්ව තිබේ. ලෝක ක්රිකට් ඉතිහාසය තුළ ශ්රී ලංකාවට හිමිවන්නේ ඉතා සුවිශේෂී ස්ථානයක් බව පෙන්වා දෙන ෂා ක්රිකට් ක්රීඩාව තවදුරටත් ශක්තිමත් කිරීමටත්, අනාගත පරපුර වෙනුවෙන් නව අවස්ථා නිර්මාණය කිරීමටත් ක්රීඩාවේ සියලුම පාර්ශවකරුවන් සමඟ සමීපව කටයුතු කිරීමට බලාපොරොත්තු වන බවද සඳහන් කර ඇත.
ක්රිකට් ක්රීඩාවේ උන්නතිය වෙනුවෙන් ජනාධිපතිවරයා දක්වන නොසැලෙන සහයෝගය සහ ලබා දුන් වටිනා කාලය වෙනුවෙන් ජේ ෂා සිය හෘදයාංගම ස්තූතිය ද පුද කර තිබේ.
එම එක්ස් සටහන පහත දැක්වේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
It was a privilege to meet His Excellency President @anuradisanayake today and discuss the current status of cricket in Sri Lanka. Our discussions focused on increasing opportunities for emerging players, supporting grassroots and youth development programmes, and leveraging… pic.twitter.com/9Zk5oQcGX5
— Jay Shah (@JayShah) June 19, 2026
