අද (18) උදෑසන දෙහිවල වෙඩි තැබීමේ සිද්ධියට යොදා ගත් බවට සැක කෙරෙන යතුරුපැදිය පිළියන්දල විකල්ප මාර්ගයේ පන්සලක් ඉදිරිපිට අතහැර දමා ගොස් තිබියදී සොයාගෙන තිබේ.
දෙහිවල පොලිසිය පවසන්නේ යතුරුපැදිය රතු පැහැති ආරක්ෂිත හිස්වැස්මක් සමඟ සොයා ගත් බවය.
විශේෂ කාර්ය සාධක බලකායේ (STF) බුද්ධි නිලධාරියෙකු පස්වරු 1:30 ට පමණ එම ස්ථානයේ යතුරුපැදිය දැක ඇති අතර වහාම උසස් පොලිස් නිලධාරියෙකුට ඒ බව දැනුම් දී ඇත.
වැඩිදුර පරීක්ෂණවලින් හෙළි වී තිබුනේ යතුරුපැදියේ සවි කර ඇති අංක තහඩුව දැනටමත් වෙනත් මෝටර් රථයකට ලියාපදිංචි කර ඇති අංකයක් බවය.
කොළඹ ඇඟිලි සලකුණු දෙපාර්තමේන්තුවේ නිලධාරීන් ද එම ස්ථානයට ගොස් අධිකරණ වෛද්ය පරීක්ෂණ පැවැත්වූ බව අද දෙරණ වාර්තාකරු පැවසීය.
අද අලුයම දෙහිවල දුම්රිය ස්ථානය අසලදී වෙඩි තැබීම සිදුවී තිබිණි.
වෙඩි ප්රහාරයෙන් තුවාල ලද ඉලක්කගත පුද්ගලයා කළුබෝවිල දකුණු කොළඹ ශික්ෂණ රෝහලට ඇතුළත් කර ඇති බව අද දෙරණ වාර්තාකරු පැවසීය.
හඳුනා නොගත් ප්රහාරකයින් දෙදෙනෙකු යතුරුපැදියකින් යමින් සිටියදී වෙඩි තැබීම සිදු කර ඇති අතර වහාම එම ස්ථානයෙන් පලා ගොස් ඇති බව වාර්තා වී තිබේ.
සිද්ධිය සම්බන්ධයෙන් පොලිසිය පූර්ණ පරීක්ෂණයක් ආරම්භ කර ඇත.
