ලෝකයේ කිසිම ක්රීඩා ලෝලියෙක් අසන්නට ප්රාර්ථනා නොකරන ඛේදවාචකයක් අද උදෑසන වාර්තා වී තිබිණි. මේ වනවිට ඇෆ්ගනිස්ථානය සහ පාකිස්තානය අතර ඇවිලෙමින් ඇති දේශ සීමා ගැටුමේ ගොදුරක් ලෙස ඇෆ්ගනිස්ථාන ක්රිකට් ක්රීඩකයින් තිදෙනෙකුට ජීවිතවලින් වන්දි ගෙවීමට සිදුවීම ඒ ඛේදනීය කතාවය.
ඇෆ්ගනිස්ථාන ක්රිකට් මණ්ඩලයට අනුව මෙසේ ඝාතනය වී ඇත්තේ කබීර්, සිබ්ගතුල්ලා සහ හරූන් නැමැති ඇෆ්ගනිස්ථානයේ නැගී එන දේශීය මට්ටමේ ක්රීඩකයන් තිදෙනෙකි. ඔවුන් ඝාතනය වී ඇතේතේ සිකුරාදා පක්ටිකා පළාතට පාකිස්තානය එල්ල කළ ගුවන් ප්රහාරයේ දී ය.
මෙම ප්රහාරය ඇෆ්ගනිස්ථානයේ ක්රිකට් ක්රීඩාව කම්පනයට පත් කර ඇත. මේ අභිලාෂකාමී තරුණ ක්රිකට් ක්රීඩකයින්ගේ වියෝව සම්බන්ධව ඇෆ්ගනිස්ථාන ක්රිකට් පාලක මණ්ඩලයෙ දැඩිව ශෝක වුනේය.
මාධ්ය නිවේදනයක් නිකුත් කරමින් ඔවුන් පැවසුවේ ප්රහාරයකින් මියගිය අට දෙනා අතර පක්ටිකා පළාතේ උර්ගුන් දිස්ත්රික්කයේ තරුණ ඇෆ්ගනිස්ථාන ක්රිකට් ක්රීඩකයින් වන කබීර්, සිබ්ගතුල්ලා සහ හරූන් සිටින බවය. ෂරානා හි පැවති සුහද ක්රිකට් තරඟයකින් පසු ක්රීඩකයින් ආපසු නිවසට පැමිණ මේ තිදෙනා සාකච්ඡාවක නිරත වෙමින් සිටිය දී මෙම ප්රහාරය එල්ල වී ඇති බව ඇෆ්ගිනිස්ථාන ක්රිකට් පාලක මණ්ඩලය කීවේය.
එය ඇෆ්ගනිස්ථානයේ ක්රීඩා ප්රජාවට විනාශකාරී පාඩුවක් ලෙස හැඳින්වූ ඇෆ්ගනිස්ථාන ක්රිකට් පාලක මණ්ඩලය වින්දිතයින්ගේ පවුල්වලට සහ පක්ටිකා ජනතාවට ශෝකය පළ කළේය. මිය ගිය ක්රීඩකයින්ට කරන ගෞරවයක් වශයෙන්, පාකිස්තානය සහභාගී වන ඉදිරි තුන් කොන් විස්සයි 20 ජාත්යාන්තර තරගාවලියෙන් ඉවත් වන බව ද මණ්ඩලය නිවේදනය කරනු ලැබුවේය.
Statement of Condolence
The Afghanistan Cricket Board expresses its deepest sorrow and grief over the tragic martyrdom of the brave cricketers from Urgun District in Paktika Province, who were targeted this evening in a cowardly attack carried out by the Pakistani regime.
In… pic.twitter.com/YkenImtuVR
— Afghanistan Cricket Board (@ACBofficials) October 17, 2025
ඇෆ්ගනිස්ථාන නායක රෂීඩ් ඛාන් ද X වෙත අදහස් දක්වමින් පාකිස්තානය සිවිල් වැසියන්ට එල්ල කළ ප්රහාරය හෙළා දකිමින් තුන්කොන් තරගාවලියෙන් ඉවත් වීමට ඇෆ්ගනිස්ථාන ක්රිකට් පාලක මණ්ඩලය ගත් තීරණය පිළිගත්තේය.
කබීර්, සිබ්ගතුල්ලා සහ හරූන් – පාකිස්තානයේ ගුවන් ප්රහාරයෙන් ජීවිත අහිමි වූ ක්රිකට් ක්රීඩකයින් තිදෙනා කවුද?
කබීර් (කබීර් අගා)
ක්රීඩා ලෝලීන් ඔහු කබීර් අගා ලෙසද හඳුන්වන්නේය. කබීර්, පක්ටිකා හි උර්ගුන් දිස්ත්රික්කයෙන් නැගී එන දක්ෂ යොවුන් ක්රීඩකයෙකි. ඔහු දේශීය ක්රිකට් තරග ව්යුහය තුළ ක්රීඩා සමාජ නියෝජනය කළේය. මෑතකදී ඇෆ්ගනිස්ථාන ක්රිකට් පාලක මණ්ඩලයේ දකුණු ප්රදේශ ක්රිකට් කමිටුව විසින් සංවිධානය කරන ලද යෞවන තරඟාවලිය සඳහා ද කබීර් සහභාගී විය. කබීර් ඔහුගේ ආක්රමණශීලී ඉහළ පෙළේ පිතිකරණය සඳහා ප්රසිද්ධය. දිස්ත්රික් ලීගවල ස්ථාවර දස්කම් හේතුවෙන් 2026 දී ඇෆ්ගනිස්ථාන 23න් පහළ පළාත් කඳවුර සඳහා කෙටි ලැයිස්තුගත කරනු ඇතැයි අපේක්ෂා කරන ලද ක්රීඩකයෙකි.
සිබ්ගතුල්ලා
සිබ්ගතුල්ලා යනු පක්ටිකා හි මද වේග පන්දු යවන්නෙකි. ඔහු දේශීය ඇෆ්ගනිස්ථාන ක්රිකට් පාලක මණඩලය සහතික කළ තරඟාවලි සඳහා සහභාගී වන ක්රීඩා සමාජයක් වන උර්ගුන් වොරියර්ස් වෙනුවෙන් ක්රීඩා කළ ක්රීඩකයෙකි. ඔහු තියුණු ආක්රමණයක් සඳහා ප්රසිද්ධ වූ අතර පසුගිය වසරේ පක්ටිකා ප්රිමියර් ලීගයේ කැපී පෙනෙන නායකත්ව පෞරුෂයක් සහිත තරඟකරුවෙකු විය. පුහුණුකරුවන් ඔහුව විස්තර කළේ ශක්තිමත් නායකත්ව ලක්ෂණ සහ කලාපයේ ක්රිකට් ඇකඩමිවල කනිෂ්ඨ පන්දු යවන්නන්ට මග පෙන්වීම සඳහා ඇති ආශාවක් සහිත විනයගරුක ක්රිකට් ක්රීඩකයෙකු ලෙසය.
හරූන්
දේශීය T20 සහ ටේප්-බෝල් ලීගවලට සහභාගී වීමෙන් පක්ටිකා හි දේශීය ක්රිකට් ක්ෂේත්රයේ නමක් දිනාගත් ක්රීඩකයෙකි. ඔහු කැපී පෙනෙන්නේ තුන් ඉරියව් ක්රීඩකයෙක් ලෙසය. දකුණත් පිතිකරුවෙකු සහ පිට දඟ පන්දු යවන්නෙකු වන හරූන් මෑතකදී පළාත් සංවර්ධන කඳවුරකට සම්බන්ධ සිටියේය. උර්ගුන් දිස්ත්රික්කයේ වඩාත්ම බහුකාර්ය තරුණ ක්රීඩකයෙකු ලෙස හරූන් හඳුනාගෙන තිබිනි. ඔහු පූර්ණ කාලීනව ක්රිකට් හදාරමින් සිටි තරුණයෙකි.
I am deeply saddened by the loss of civilian lives in the recent Pakistani aerial strikes on Afghanistan. A tragedy that claimed the lives of women, children, and aspiring young cricketers who dreamed of representing their nation on the world stage.
It is absolutely immoral and…
— Rashid Khan (@rashidkhan_19) October 17, 2025
ඇෆ්ගනිස්ථාන නායක රෂීඩ් ඛාන් මෙම ප්රහාරය ම්ලේච්ඡ ක්රියාවක් ලෙස හැඳන්වූයේය. මිය ගිය ක්රීඩකයින්ගේ පවුල්වලට දැඩි ශෝකය පළ කළ රෂීඩ් ඛාන් එමඟින් තම රට නියෝජනය කිරීමට අපේක්ෂා කරන දක්ෂ ක්රීඩකයින් තිදෙනෙකුගේ අහිමිවීම පිළිබඳ කම්පා වුනේය. සිවිල් ප්රදේශ ඉලක්ක කරගනිමින් සිදුකරන මෙම ප්රහාර අසභ්ය සහ ම්ලේච්ඡ ක්රියාවක් බවත් බරපතල මානව හිමිකම් උල්ලංඝනයක් බවත් රෂීඩ් කීවේය.
පාකිස්තානයට එරෙහිව ඉදිරි තරඟවලින් ඉවත් වීමට ඇෆ්ගනිස්ථාන ක්රිකට් පාලක මණ්ඩලය ගත් තීරණයට ඔහු දැඩි සහයෝගයක් පළ කළ අතර, එය ඛේදවාචයට දැක්විය හැකි සාධාරණ ප්රතිචාරයක් ලෙස හැඳින්වීය. මෙවැනි වේදනාකාරී කාලයකදී ඇෆ්ගනිස්ථානයේ ජාතික ගෞරවය සහ එහි ජනතාව සමඟ සහයෝගීතාවය අන් සියල්ලටම වඩා ප්රමුඛත්වය ගත යුතු බව රෂීඩ් අවධාරණය කළේය.
