ඉදිරියේදී පැවැත්වීමට නියමිත ශ්රී ලංකා, පකිස්ථාන සහ සිම්බාබ්වේ අතර විස්සයි20 තුන්කොන් තරගාවලිය සඳහා ශ්රී ලංකා කණ්ඩායමේ උපනායකයා ලෙස දසුන් ශානක නම් කර තිබේ.
මෙම තුන්කොන් තරගාවලිය ආරම්භ වීමට පෙර පකිස්ථානය සමග පැවැත්වෙන තරග තුනකින් යුත් එක් දින තරගාවලියේ සංචිතය සඳහා වේග පන්දු යවන ක්රීඩක එෂාන් මාලිංග නම් කර ඇත. .
23 හැවිරිදි මැද පෙළ පිතිකරු පවන් රත්නායක එක්දින සංචිතයට නම් කර තිබේ. දිගු කාලයක් තිස්සේ දේශීය ක්රිකට් පිටියේ දක්වන ලද අඛන්ඩ දස්කම් මත මෙම තෝරා ගැනීම සිදුකර තිබේ. පසුගිය ජූලි මාසයේ දී ඔහු දේශීය තරගවලදී ශතක ලාභියෙක් ලෙස සිය දස්කම් ප්රකට කළේය.
ඩිල්ෂාන් මධුශංක දණහිසේ ආබාධයකින් තවමත් සුවය ලබා නොමැති බැවින් එක්දින තරගාවලියෙන් ඉවත් කර තිබේ. එශාන් මාලිංගට අවස්ථාව ලැබෙන්නේ ඔහු වෙනුවෙනි. මතීෂ පතිරණ ආබාධයකින් සුවය ලබන බැවින් විස්සයි20 සංචිතයට ඇතුළත් නොවේ. මතීෂ පතිරණ වෙනුවට අසිත ප්රනාන්දු සංචිතයට කැඳවා ඇත.
මේ වසර ආරම්භයේදී අවසන් වරට විස්සයි20 තරගයක් ක්රීඩා කළ පෙර පෙළ පිතිකරු භානුක රාජපක්ෂ විස්සයි 20 සංචිතයට යළි කැඳවා තිබේ. ඔහුට ජාත්යාන්තර විස්සයි 20 තරගාවලි 2ක් සහ ආසියානු කුසලානය පසුගිය වකවානුව තුළ මග හැරුණි. ඔහුගේ නැවත කැඳවීමට අර්ධ වශයෙන් හේතු වී ඇත්තේ මෑත පැවැත්වූ ශ්රි ලංකා ක්රිකට් විස්සයි20 තරඟාවලියේදී ඔහු ඉනිම හතරක් පුරා ලකුණු 163ක් ලබා ගත් පුපුරන සුලු පිතිකරණයයි. ශ්රී ලංකාව සාමාන්යයෙන් මැද පෙළේ ස්ථාවර ජවසම්පන්න පිතිකරණයක් වෙනුවෙන් මෑත කාලය පුරාම අරගල කළේය.
තවත් කැපී පෙනෙන නොසලකා හැරීමක් පෙනෙමින් ඇත. ශ්රී ලංකා 20යි විස්ස තරගාවලියේ දී වැඩිම ලකුණු ලාභී පිතිකරු නුවනිදු ප්රනාන්දු ය. ඔහුගේ ප්රහාරක වේගය 124ක් විය. එහෙත් ඔහු 20යි විස්ස සංචිතයට කැඳවා නැත. එමෙන්ම රටේ අනාගත ක්රිකට් බලාපොරොත්තුවක් වූ දුනිත් වෙල්ලාලගේ ද මෙම සංචිතයට කැඳවා නැත.
නමුත් ඔහු මේ මස අගදී දෝහාහි පැවැත්වෙන “රයිසින් ස්ටාර්ස්” විස්සයි20 ආසියානු කුසලානයේදී ශ්රී ලංකා A කණ්ඩායමට නායකත්වය දරන්නේ දුනිත් වෙල්ලාලගේ ය. නුවනිදු ද එම සංචිතයට නම් කර ඇත.
පකිස්ථානයට එරෙහි ශ්රී ලංකා එක්දින තරඟ සියල්ලම නොවැම්බර් 11, 13 සහ 15 යන දිනවල රාවල්පින්ඩි ක්රීඩාංගනයේ දී පැවැත්වීමට නියමිතය. ඉන් අනතුරුව නොවැම්බර් 17 සිට රාවල්පින්ඩි සහ ලාහෝර්හිදී තුන්කොන් තරඟාවලිය පැවැත්වෙන අතර අවසන් තරඟය නොවැම්බර් 29 ට පැවැත්වීමට නියමිතය. මේ වනවිට අපට විදෙස් මාධ්ය වාර්තා කරන්නේ ක්රීඩාංගන පුරා යොදවා ඇති දැවැන්ත ආරක්ෂක වැඩපිළිවෙළකි.
ශ්රී ලංකා සංචිත
එක්දින තරගාවලිය:
චරිත් අසලංක (නායක), පැතුම් නිශ්ශංක, ලහිරු උදාර, කමිල් මිෂාර, කුසල් මෙන්ඩිස්, සධීර සමරවික්රම, කමිඳු මෙන්ඩිස්, ජනිත් ලියනගේ, පවන් රත්නායක, වනිඳු හසරංග, මහේෂ් තීක්ෂණ, ජෙෆ්රි වැන්ඩර්සේ, දුෂ්මන්ත චමීර, අසිත ප්රනාන්දු ප්රමෝද් මධුෂාන්, ඒෂාන් මාලිංග
20යි විස්ස තුන්කොන් තරගාවලිය
චරිත් අසලංක (නායක), පැතුම් නිශ්ශංක, කුසල් මෙන්ඩිස්, කුසල් පෙරේරා, කමිල් මිෂාර, දසුන් ශානක (උප නායක), කමිඳු මෙන්ඩිස්, භානුක රාජපක්ෂ, ජනිත් ලියනගේ, වනිඳු හසරංග, මහේෂ් තීක්ෂණ, දුෂාන් හේමන්ත, දුෂ්මන්ත චමීර, නුවන් තුෂාර, අසිත ප්රනාන්දු, ඒෂාන් මාලිංග
