ජයකාන්ත ලියනගේ – බළපිටිය –
දකුණු ආසියාතික ක්රීඩා තරගාවලියේ මේස පන්දු හා කරාතේ තරග වලින් රිදී පදක්කමක් හා ලෝකඩ පදක්කමක් දිනා ගත් අම්බලන්ගොඩ ගා/ශ්රී දේවානන්ද විද්යාලයේ ටමාදී කාවින්ද්යා ක්රීඩිකාවට හා බාසුරු විරාජිත ක්රීඩකයාට උපහාර දැක්වීමේ උත්සවයක් විදුහල්පති ජනක පේදුරුහේවා ගේ ප්රධානත්වයෙන් ඊයේ (30) විදයාලයේදී පැවැත්විණි.
ටමාදී කාවින්ද්යා වයස අවුරුදු 19 න් පහල කාන්තා කාණ්ඩය යටතේ හා බාසුරු විරාජිත වයස අවුරුදු 16/17 පිරිමි කාණ්ඩයේ යටතේ මෙම ජයග්රහණයන් ලබාගෙන තිබේ.
මෙම ක්රීඩක ක්රිඩිකාවන්ගේ ජයග්රහණයන් අම්බලන්ගොඩ දේවානන්ද විද්යාලයට මෙන්ම අප මාතෘ භූමිය ලැබූ දැවැන්ත ජයග්රහණයන් බව මෙම උත්සවයේදී අදහස් දැක්වූ විදුහල්පති ජනක පේදුරුහේවා ප්රකාශ කළේය.
මෙවන් ඇගයීම් හා උපහාර පුද කිරීම් ඔස්සේ ක්රීඩකයින් තව තවත් දිරි ගැන්වීම මෙන්ම සෙසු ක්රීඩක ක්රීඩිකාවන්ටද මහත් වු ආදර්ශයක් ලබා දිය හැකි බවද ඔහු වැඩි දුරටත් සදහන් කළේය.
පදක්කම් ලාභී ක්රීඩකයා හා ක්රීඩිකාව අම්බලන්ගොඩ නගරයේදී විද්යාලයීය ප්රධාන ශිෂ්ය නායකයා හා නායිකාව විසින් මල්මාලා පළදවා පිළිගෙන කැබ් රථයක නග්ගවා තූර්යය වාදක කණ්ඩායම පෙරටුකර ගත් අලංකාර පෙරහරකින් විද්යාලයට කැදවාගෙන එනු ලැබීය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
විද්යාලයීය ප්රධාන දොරටුව අසලදී විදුහල්පතිතුමා ප්රමුඛ නියෝජ්ය හා සහකාර විදුහල්පතිවරුන් විසින් ඔවුන් පිළිගෙන රතු පලස් මතින් ප්රධාන පීඨිකාව පිහිටි උත්සව සභාවට කැඳවාගෙන එන ලද අතර එහිදී ඔවුන් ආසියාතික තරගයේදී ලබාගත් සහතික හා පදක්කම් පළඳවා විද්යාලය විසින්ද විශේෂ උපහාර තිලිණයක් පිරිනැමීමට කටයුතු කරන ලදි.
