ලෝක කුසලානයට සුදුසුකම් ලැබීමේ තරගාවලියේ දී තියුණු තරගයකින් අනතුරවු ශ්රී ලංකා කණ්ඩායම නෙදර්ලන්තය පරදවා ලකුණු 21ක ජයගුහණයක් වාර්තා කළේය. ඒ සමගම ශ්රි ලංකාව අපරාජිතව ලකුණු සටහන පෙරමුණ ගත්තේය.
214 ක ජයග්රාහී ඉලක්කයක් හඹා ගිය නෙදර්ලන්ත කණ්ඩායම පන්දු ඕවර 40ක දී 192කට දැවී ගියේය.
බුලවායෝ හි පැවති තරගයේ දී කාසියේ වාසිය දිනූ ශ්රී ලංකා කණ්ඩායම මුලින්ම පන්දුවට පහරදීමට තිරීණය කළේය.
ඉන්පසු කණ්ඩායමට සිදුවූයේ නෙදර්ලන්ත කණ්ඩායමෙන් කිසිසේත්ම බලාපොරොත්තු නොවූ දැවැන්ත තර්ජනයකට මුහුණ දීමටය. එක පිට එක කඩුලු බිඳ වැටිනි. පැතුම් නිශ්ශංක මුල් පන්දුවේ දීම දැවී ගියේය. ලකුණු 67ක් වන විට ශ්රී ලංකා කඩුලු 05ක් දැවී ගොස් අවසානය. පැතුම් නිශ්ශංක ලකුණු නැත. සධීර සමරවික්රම 1 ලකුණකි. චරික් අසලංක ලකුණු 02කි. දසුන් ශානක ලකුනු 05කි. කුසල් මෙන්ඩිස් ලකුණු 10 කි.
මේ බිඳවැටෙන ඉනිම වෙනස් කළේ ධනංජය ද සිල්වාය. ඔහු පන්දු 111 දී ලකුණු 93ක් ලබා ගත්තේය. ඊට හතරේ පහර 8ක් හා හයේ පහර 02ක් අතුළත් විය.
දිමුත් කරුණාරත්න ලකුණු 33ක් ලැබුවේය. මහීෂ් තික්ෂණ ලකුණු 28ක්. වනිඳු හසරංග ලකුනු 20කි. පන්දු ඕවර 47.4ක දී ශ්රී ලංකා කණ්ඩායමේ සියල්ලෝ ලකුණු 213කට දැවී ගියහ.
පන්දු යැවීමේ දී නෙදර්ලන්ත පන්දු යවන්නන් දරාගත නොහැකි පීඩනයක් ශ්රී ලංකා කණ්ඩායමට එල්ල කලේය.
හොඳම පන්දු යැවීම ලොගාන් වැන් බීක්ය. ඔහු ලකුණු 29කට කඩුළු 03ක් බිඳ හෙළුවේය. බස් ඩි ලීඩේ ලකුණු 42කට කඩුළු 03කි. සකීබ් සුල්ෆිකාර් ලකුණු 48ට කඩුළු 02කි.
පිළිතුරු ඉනිම ක්රීඩා කිරීමට පැමිණ නෙදර්ලන්ත කණ්ඩායමට ආරම්භයේ සිටම ශ්රී ලංකා පන්දු යවන්නන්ගෙන් දැඩි පීඩනයක් එල්ල වූයේය.
ආරම්භක පිතිකරු යුගලයම ලකුණු නොලබා පිටියෙන් ඉවත්වූහ. එහෙත් වෙස්ලි බරේසි ලකුනු 52ක් සහ බස් ඩි ලිඩ් ලකුණු 41 ලබාගෙන ලකුණු 76ක සම්බන්ධතාවයක් ගොඩ නගමින් නෙදර්ලන්තයට ජයග්රහණය පිළිබඳ බලාපොරොත්තුවක් දැලවීය.
අනතුරුව නායක ස්කොට් එඩ්වඩ් අසීමිත ධෛර්යයකින් එක් අන්තයක් රැකගෙන ජයග්රහණය පෙනෙන මට්ටමට නෙදර්ලන්ත කණ්ඩායම රැගෙන ආවේ. ඔහු පන්දු 68ක දී නොදැවී ලකුනු 67ක් ලැබුවේය. ඔවුන් තිදෙනා හැරුණු විට එක් පිතිකරුවෙක්වත් ලකුණු 10 සීමාව නොඉක්මවීම නෙදර්ලන්ත පරාජයට හේතු විය. ලකුණු නොලබා නෙදර්ලන්ත ක්රීඩකයෝ සිවු දෙනෙක් දැවී ගියහ. ලකුණු 05ට අඩුවෙන් ලැබූ පිතිකරුවන් ගණන 07කි.
පන්දු යැවීමේ දී විශිෂ්ටම පන්දු යැවීම මහීෂ් තීක්ෂණගෙනි. ඔහු ලකුණු 31කට කඩුළු 3ක් ලැබුවේය. වනිඳු හසරංග ලකුනු 53ට කඩුලු 02කි. ලහිරු කුමාර, දිල්ෂාන් මධුසංඛ, දසුන් ශානක කඩුල්ල බැගින් ලැබුවේය.
තරගයේ වීරයා ධනංජය ද සිල්වාය.
