ලෝක කුසලා පා පන්දු තරගාවලියේ දෙවැනි දිනය වූ ඊයේ (12) දිනයේ තරගාවලිය උනුසුම් වෙමින් පෙරළියක් සිදුවිය. දිනයේ . තරග දෙකක් පැවැත්විනි. එම තරග පැවැත්වුනේ ශ්රි ලංකා වේලාවෙන් අද (13) අළුයමය. ඒ සත්කාරක ඇමරිකාව සහ කැනඩාව තරගාවලියට ප්රවේශ වෙමින් තරග වැදුණු තරගය. 2026 FIFA ලෝක කුසලාන පාපන්දු තරගාවලියේ දෙවන දිනයේදී පැවති මෙම තරගවලින් පැරගුවේ කණ්ඩායමට එරෙහිව අමෙරිකානු කණ්ඩායම විශිෂ්ට ජයක් වාර්තා කිරීමට සමත් වූ අතර, සත්කාරක කැනඩා කණ්ඩායම සහ බොස්නියා කණ්ඩායම අතර තරගය සම තත්ත්වයෙන් අවසන් විය.
ඇමෙරිකාවට 4-1ක දැවැන්ත ජයක්
ලොස් ඇන්ජලීස් හි සෝෆි (SoFi Stadium) ක්රීඩාංගණයේදී පැවැති ‘D’ කාණ්ඩයේ තරගයෙන් පැරගුවේ කණ්ඩායම 4-1ක් ලෙස පරාජය කිරීමට එක්සත් ජනපද කණ්ඩායම සමත් විය. මෙය අමෙරිකානු ලෝක කුසලාන පාපන්දු ඉතිහාසයේ ඔවුන් ලැබූ විශිෂ්ටතම ආරම්භක ජයග්රහණයක් ලෙස සටහන් වේ.
අමෙරිකාව වෙනුවෙන් ෆොලරින් බලෝගුන් (Folarin Balogun) සුපිරි දක්ෂතා දක්වමින් ගෝල දෙකක් රැස් කළ අතර, ක්රිස්ටියන් පුලිසික් (Christian Pulisic) ඇතුළු සෙසු ක්රීඩකයෝ ද ප්රබල ක්රීඩා විලාශයක් දියත් කළහ.
මෙම ජයග්රහණයත් සමඟ ‘D’ කාණ්ඩයේ පෙරමුණ ගැනීමට එක්සත් ජනපද කණ්ඩායම සමත්ව සිටියි.
කැනඩාව සහ බොස්නියාව සම වෙයි
ටොරොන්ටෝ ක්රීඩාංගණයේදී (Toronto Stadium) පැවැති ‘B’ කාණ්ඩයේ තරගයෙන් කැනඩාව සහ බොස්නියා-හර්සගොවිනා කණ්ඩායම 1-1ක් ලෙස සම තත්ත්වයෙන් තරගය නිමා කළහ. තරගයේ 21 වැනි මිනිත්තුවේදී බොස්නියාවේ ජෝවෝ ලුකිච් (Jovo Lukić) පළමු ගෝලය වාර්තා කරමින් සිය කණ්ඩායම පෙරමුණට ගෙන ආ අතර, 78 වැනි මිනිත්තුවේදී කැනඩාවේ කයිල් ලැරින් (Cyle Larin) ගෝලයක් රැස් කරමින් තරගය සම තත්ත්වයට පත් කළේය.
මෙය කැනඩාව සිය මව් බිමේදී ක්රීඩා කළ පළමු ලෝක කුසලාන තරගය වන අතර, මෙම සමවීමත් සමඟ ඔවුන්ට ප්රසාද ලකුණු සටහනේ පළමු ලකුණ හිමි විය.
තරගාවලිය ආරම්භ වන්නේ 11 දා ය. තරගාවලිය ආරම්භ කරමින් සත්කාරක මැක්සිකෝව සහ දකුණු අප්රිකාව අතරත්, කොරියාව සහ “චෙක් ජනරජය” අතරය. සමාරම්භක තරගවලදී මෙක්සිකෝව දකුණු අප්රිකාව පරදා 2-0 ලෙස විශිෂ්ඨ ජයක් වාර්තා කළේය. චෙක් ජනරජය පරදවා දකුණු කොරියාව 2-0 ලෙස ජයග්රහණය සහතික කරගත්තේය. මෙම තරග දෙකම පැවැත්වූයේ මෙක්සිකෝවේ ය.
අද පැවැත්වෙන තරග
තරගාවලියේ තෙවන දිනය වන අද (ජූනි 13) තවත් තීරණාත්මක තරග 4ක් පැවැත්වීමට නියමිතය. එම තරග පැවැත්වෙන්නේ ශ්රී ලංකා වේලාවෙන් අද අළුයමය.
- කටාර් සහ ස්විට්සර්ලන්තය (‘B’ කාණ්ඩය) – සැන් ෆ්රැන්සිස්කෝ බේ ඒරියා ක්රීඩාංගණයේදී (ශ්රී ලංකාවේ වේලාවෙන් මධ්යම රාත්රී 12:30 ට)
- බ්රසීලය සහ මොරොක්කෝව (‘C’ කාණ්ඩය) – නිව්යෝර්ක්/නිව්ජර්සි ක්රීඩාංගණයේදී (ශ්රී ලංකාවේ වේලාවෙන් හෙට උදෑසන 3:30 ට)
- හයිටි සහ ස්කොට්ලන්තය (‘C’ කාණ්ඩය) – බොස්ටන් ක්රීඩාංගණයේදී (ශ්රී ලංකාවේ වේලාවෙන් හෙට උදෑසන 6:30 ට)
- ඕස්ට්රේලියාව සහ තුර්කිය (‘D’ කාණ්ඩය) – වැන්කුවර් හි බී.සී ප්ලේස් ක්රීඩාංගණයේදී (ශ්රී ලංකාවේ වේලාවෙන් හෙට උදෑසන 9:30 ට)
