මැච් එක 10ට පටන් ගන්නේය. ගාල්ල දැන් සූදානම්ය. කාසියේ වාසියේ වාසනාව ශ්රී ලංකා කණ්ඩායමටය. ඔවුන් පිතිකරණය තෝරාගෙන තිබේ. ගාල්ලේ තරග අවසානය බොහෝ විට තීන්දුවන ප්රධානම සාධයක් ලෙස හඳුන්වන්නේ කාසියේ වාසිය ය.
සංචාරක නවසීලන්තය සමග පැත්වෙන ලෝක ශූරතා ටෙස්ට් ක්රිකට් තරගාවලියේ තරගයක් ලෙස පැවැත්වෙන දෙවැනි ටෙස්ට් තරගය අපට මෙන්ම ඔවුන්ට ද වැදගත්ය.
මෙතෙක් ගාල්ලේ ගහපු ටෙස්ට් තරග පහම නවසීලන්ත කණ්ඩායම පරාදය. ඒ අපකීර්තිමත් අතීතයට තිත තැබීමේ අභියෝගය මෙන්ම තරගාවලි පරාජය බේරා ගැනීමේ පීඩනය ද නවසීලන්ත කණ්ඩායම සතුවය.
ක්රිකට් ඉතිහාසය අනුව නම් ශ්රී ලංකා කණ්ඩායම සමග ගාල්ලේ ගැහිල්ල ලේසි නැත. ගාල්ලේ ගහන මුල්ම ටෙස්ට් තරගයත් නවසීලන්තය සමගය. 1998 ජූනි මස 3 වැනිදා සිට 07 වැනිදා දක්වා තරගය සැලසුම් කර තිබිණි. ශ්රි ලංකා කණ්ඩායම ඉනිමකුත් ලකුණු 16කින් නවසීලන්ත කණ්ඩායම පරාජය කළේය.
එතැන් සිට ගාල්ලේ ටෙස්ට් තරගය 45ක් ගැහුවේය. ඉන් තරග 26ක් ජයග්රහණය කරන්නේ ශ්රී ලංකා කණ්ඩායමය. ජය පරාජයකින් තොරව නිමා කරන තරග සංඛ්යාව තරග 6කි. පරාජය වී ඇත්තේ තරග 13ක් පමණි.
ඒත් ක්රිකට් කියන්නේ වාර්තා මත තීන්දු වන ක්රීඩාවක් නොවේ. තත්ත්වයන් අනුව හොඳටම ක්රීඩා කරන කණ්ඩාම දිනන්නේය. මුල් ටෙස්ට් තරගයේ දී නවසීලන්ත කණ්ඩායම දැක්වූ ක්රීඩා විලාශය පෙන්නුම් කර ඇත්තේ ඔවුන්ගේ ගාල්ලේ ටෙස්ට් ජයග්රහණයක අභිලාෂය ය.
අද අප තරග වදින්නේ වෙනස් මුහුණුවරකිනි.
ජයග්රහණය කළද ශ්රී ලංකා කණ්ඩායමේ තරග කරන XI දෙනා අතර වෙනස්කම් දෙකක් සිදුකර තිබේ. පළමු ටෙස්ට් තරගයේදී කඩුල්ලක් ලබා නොගත් ළහිරු කුමාර වෙනුවට එංගලන්තයේ මංගල සංචාරයේදී පිත්තෙන් සහ පන්දුවෙන් විශිෂ්ට දස්කම් දැක්වූ මිලාන් රත්නායක කණ්ඩායමට කැඳවා තිබේ.
පළමු ටෙස්ට් තරගයේ දී විටෙක පාලනයක් නොමැති පන්දු යැවීමක නිරත වුන, පිතිකරණයෙන් ද සාර්ථක නොවුන රමේෂ් මෙන්ඩිස් ද කණ්ඩායමෙන් ඉවත් කර ඇත. ඔහු වෙනුවට තවත් පිට දඟ පන්දු යවන්නෙකු වන නිශාන් පීරිස් කැඳවා තිබේ. නිශාන් වයස අවුරුදු 27ක නවක ක්රීඩකයෙකි. සිය මංගල ටෙස්ට් තරගයට ගාල්ලේදී තරග වදින නිශාන් පළමු පෙළ කඩුලු 172ක් දවාගෙන ඇති කඩුළු ලබා ගැනීමේ සාමාන්ය 24.37ක් දක්ෂමක් සහිත ක්රීඩකයෙකි.
ශ්රි ලංකා කණ්ඩායම මෙසේය.
1 දිමුත් කරුණාරත්න, 2 පැතුම් නිශ්ශංක, 3 දිනේෂ් චන්දිමාල්, 4 ඇන්ජලෝ මැතිව්ස්, 5 කමිඳු මෙන්ඩිස්, 6 ධනංජය ද සිල්වා (නායක), 7 කුසල් මෙන්ඩිස් (WK), 8 මිලාන් රත්නායක, 9 ප්රභාත් ජයසූරිය, 10 නිශාන් පීරිස් 11 අසිත ප්රනාන්දු
තණතීරුව දෙවැනි තුන්වැනි දිනයන්හි සිට දඟ පන්දු යවන්නනට යෝග්ය වනු ඇතැයි අපේක්ෂිතය. තරගය අතර කෙටි තියුණු වැසිවාර අපේක්ෂා කරන බව කාලගුණ වාර්තා සඳහන් කරයි.
