තරග 3කින් සමන්විත ශ්රී ලංකා – පාකිස්තාන විස්සයි20 තරගාවලිය අද (07) දඹුල්ල අන්තර්ජාතික ක්රීකට් ක්රීඩාංගනයේ දී ආරම්භවේ.
පළමු තරගය අද රාත්රී 7ට ආරම්භ වීමට නියමිතය. විස්සයි20 තරගාවලියේ සියලු තරග රංගිරි දඹුල්ල ජාතන්තර ක්රිකට් ක්රීඩාංගණයේදී පැවැත්වේ.
පාකිස්තාන විස්සයි20 කණ්ඩායමක් ශ්රී ලංකාවේදී විස්සයි20 තරගාවලියක් සඳහා මෙලෙස එක්වන්නේ වසර 11කට පසුවය. ශ්රී ලංකාව හා සංචාරක පාකිස්තානය අතර දඹුල්ලේදී අද ආරම්භ වන විස්සයි20 ක්රිකට් තරගාවලියේ සම්පූර්ණ ආදායම ‘Rebuilding Sri Lanka අරමුදලට ලබාදීමට ශ්රී ලංකා ක්රිකට් තීරණය කර ඇත.
මෙම විස්සයි20 තරගාවලියට සඳහා දඟ පන්දුයවන ක්රීඩක ට්රැවින් මැතිව් පළමුවරට ශ්රී ලංකා විස්සයි20 සංචිතයට කැඳවා තිබේ. චරිත් අසලංක, ශ්රී ලංකා ටෙස්ට් නායක ධනංජය ද සිල්වා සහ දුනිත් වෙල්ලාලගේද යළි විස්සයි20 සචිතයට කැඳවා තිබේ.
දසුන් ශානකගේ නායකත්වය සහිත ශ්රී ලංකා සංචිතයට , චරිත් අසලංක, දුෂ්මන්ත චමීර, ධනංජය ද සිල්වා
වනිඳු හසරංග, දුෂාන් හේමන්ත, ජනිත් ලියනගේ, ඒෂාන් මාලිංග, ට්රවීන් මැතිව්, කමිඳු මෙන්ඩිස්, කුසල් මෙන්ඩිස් (කඩුළු රකින ක්රීඩක) , කමිල් මිෂාර, පැතුම් නිශ්ශංක, මතීෂ පතිරණ, කුසල් පෙරේරා, මහේෂ් තීක්ෂණ, නුවන් තුෂාර, දුනිත් වෙල්ලාලගේ කැඳවා ඇත.
පකිස්ථාන සංචිතය සල්මන් ආඝාගේ නායකත්වයෙන් යුතු පකිස්ථාන සංචිතය අබ්දුල් සමාඩ්, අබ්රාර් අහමඩ්, ෆහීම් අෂ්රෆ්, ෆකාර් සමාන් කවාජා නෆේ, මොහොමඩ් නවාස්, මොහොමඩ් වසීම්, නසීම් ෂා, සහිබ්සාඩා ෆර්හාන්, සයිම් අයුබ්, සල්මාන් මිර්සා, ෂඩාබ් ඛාන්, උස්මාන් ඛාන් ( කඩුළු රකින ක්රීඩක), උස්මාන් තාරික් ගෙන් සමන්විතය.
