තමන් සමඟ පවතින දේශපාලන අමනාපයක් හේතුවෙන් හිටපු අමාත්ය පාඨලී චම්පික රණවක විසින් මෙම පැමිණිල්ල ගොනු කර ඇති බව හිටපු අමාත්ය උදය ගම්මන්පිල අද (11) කොළඹ මහාධිකරණය හමුවේ ප්රකාශ කළේය.
ව්යාජ ඇටර්නි බලපත්රයක් සකස් කර ඔස්ට්රේලියානු ජාතික බ්රයන් ෂැඩික්ට අයත් රුපියල් මිලියන 20කට අධික වටිනාකමකින් යුත් සමාගම් කොටස් සාවද්ය පරිහරණය කළ බවට එල්ල වී ඇති නඩුවේ විත්තියේ සාක්ෂි දෙමින් ඔහු මේ බව කියා සිටියේය.
කොළඹ මහාධිකරණ විනිසුරු නදී අපර්ණා සෝදුරුගොඩ හමුවේ මෙම නඩුව අද කැඳවනු ලැබීය. එහිදී ජනාධිපති නීතිඥ ශවීන්ද්ර ප්රනාන්දුගේ මෙහෙයවීම යටතේ විත්තිකාර උදය ගම්මන්පිලගේ සාක්ෂි සටහන් කරගැනීම සිදු කෙරිණි.
එහිදී වැඩිදුරටත් සාක්ෂි දුන් උදය ගම්මන්පිල කියා සිටියේ, ව්යාපාර කටයුතු සිදු කිරීමේ දී බ්රයන් ෂැඩික් සහ තමන් අතර අමනාපකමක් ඇති වූ බවයි. තමා සමඟ දේශපාලනිකව අමනාප වී සිටි හිටපු අමාත්ය පාඨලී චම්පික රණවක එම තත්ත්වය දැනගෙන තමන්ට එරෙහිව මෙම අසත්ය පැමිණිල්ල ගොනු කිරීමට කටයුතු කළ බව ද ඔහු සඳහන් කළේය.
මෙහිදී සාක්ෂි විමසීමේ දී ඉදිරිපත් වූ ප්රශ්න සඳහා ගම්මන්පිල දීර්ඝ වශයෙන් පැහැදිලි කිරීම් සහිතව පිළිතුරු ලබා දීමට උත්සාහ කළ අතර, ඒ හේතුවෙන් අධිකරණය හමුවේ නිශ්චිත, පැහැදිලි සහ සත්ය සාක්ෂි පමණක් ලබා දෙන ලෙස විනිසුරුවරිය ඔහුට අවවාද කළාය.
විත්තියේ සාක්ෂි සටහන් කරගැනීම අවසන් කළ අධිකරණය, විත්තිකරුගෙන් හරස් ප්රශ්න ඇසීම සඳහා නඩුව එළඹෙන ජූලි මස 01 වැනිදා දක්වා කල් තැබීමට නියෝග කළේය.
