සූරියවැව නුවන් ජයසේකර –
අපරාධ රැසකට සම්බන්ධ සැක කරුවෙකු සූරියවැව වැවේගම ප්රදේශයේ සැඟව සිටින බවට ලද තොරතුරකට අනුව සිදුකල වැටලීමකදී පොලිස් විශේෂ කාර්ය බළකායේ නිලධාරීන් හා සැකකරු අතර සිදු වූ වෙඩි හුවමාරුවකදී වෙඩි වැදීමෙන් තුවාල ලැබූ සැකකරු ඊයේ (22)අලුයම සූරියවැව රෝහලට ඇතුළත් කිරීමෙන් පසු මිය ගොස් ඇති බව සූරියවැව පොලිසිය පවසයි.
මෙලෙස මියගොස් ඇත්තේ අපරාධ රැසකට සම්බන්ධ සැකකවෙකුවන ශ්රී සංඝමිත්තා මාවත, මුංහේන, මග්ගොන ලිපිනයේ පදිංචි හෙට්ටිතන්ත්රිගේ දොන් කෝසල නැමති 24 හැවිරිදි පුද්ගලයෙකි.
අපරාධ රැසකට සම්බන්ධ සැකකරුවෙකු සූරියවැව වැවේගම ප්රදේශයේ පාලු ස්ථානයක පිහිටි නිවසක සැඟව සිටින බවට පොලිස් විශේෂ කාර්ය බලකා නිළධාරීන්ට ලද තොරතුරකට අනුව ඊයේ අලුයම ගාල්ල අපරාධ කොට්ඨාසයට අයත් විශේෂ කාර්ය බළකා නිළධාරීන් කණ්ඩායමක් විසින් මෙම වැටලීම සිදුකර තිබේ.
එහිදී සැකකරු විසින් විශේෂ කාර්ය බලකා නිළධාරීන්ට අත් බෝම්බ ප්රහාරයක් එල්ල කර පලායාමට උත්සාහ කර ඇත. එහිදී විශේෂ කාර්ය බළකා නිළධාරීන්ද ප්රතිප්රහාර එල්ල කර ඇති අතර එහිදී සකකරුද වෙඩි තැබීමක් සිදුකර ඇතැයි පොලිසිය කියයි.
පසුව දෙපාර්ශවය අතර සිදු වූ වෙඩි හුවමාරුවෙන් සැකකරු හා විශේෂ කාර්ය බළකා නිළධාරියෙකුද තුවාල ලබා සුරියවැව රෝහලට ඇතුළත් කර ඇති අතර එහිදී සැකකරු මියගොස් තිබේ.
සිද්දිය සම්බන්ධයෙන් සූරියවැව පොලීසිය හම්බන්තොට මහේත්රාත් අධිකරණයට කරුණු වාර්තා කිරීමෙන් පසු සිද්දිය වූ ස්ථානයට හම්බන්තොට මහේස්ත්රාත් වරයා පැමින සිද්දිය පිළිබදව මහේස්ත්රාත් පරීක්ෂණය පැවැත් වීය.
මියගිය සැකකරුගේ සිරුර හම්බන්තොට මහ රෝහලේ අධිකරණ වෛද්ය වරයා හමුවට ඉදිරිපත්කර පශ්චාත් මරණ පරීක්ෂණයක් පවත්වා එහි වාර්තාවක් අධිකරණයට ගොනු කරන ලෙසට එහිදී මහේස්ත්රාත් වරයා සූරියවැව පොලීසියට නියෝග කෙරුණි .
සිද්දිය පිලිබදව සූරියවැව පොලීසිය වැඩිදුර විමර්ශන පවත්වයි.
