ඒ සමාජ මාධ්ය ඔස්සේ සංසරණයවන දුරකථන සංවාදයක් ද පදනම් කරගනිමිනි.
ලංකා ගල් අඟුරු සමාගම මගින් මීට පෙර ලබා දුන් දිගු කාලීන ටෙන්ඩරය මගින් ගෙන්වන ලද නියමිත ප්රමිතියෙන් තොර නිසා පසුගිය මාසයේ හදිසි මිලදී ගැනීම් සඳහා ටෙන්ඩර් කැඳවීමක් සිදුකරනු ලැබුවේය.
අද අපරාධ පරීක්ෂණ දෙපාර්තමේන්තුව වෙත පැමිනිල්ලක් ඉදිරිපත් කරමින් මුජිබර් රහුමාන් ප්රකාශ කළේ එම ටෙන්ඩරය ලබා දීමේ දී අක්රමිකතාවයක් සිදුවී ඇති බවය.
මෙම ගල් අඟුරු ටෙන්ඩරය ලබා දීම සම්බන්ධව මේ වනවිට සමාජ මාධ්ය තුළ යම් හඬ පටයක් නිකුත් වී ඇති බවත්, එම හඬපටය දෙස බැලූ විට සිදුවී ඇති වංචාවක් ගැන හොඳින්ම පෙනෙන බවත් කී මුජිබර් රහුමාන් ප්රකාශ කළේ තමන් විසින් මෙම පැමිණිල්ල ඉදිරිපත් කළේ ඒ සම්බන්ධව බවය.
මෙම හඬ පටය සම්බන්ධව වහාම පරීක්ෂණයක් පටන් ගන්නා ලෙස ද මුජිබර් රහුමාන් විසින් ඉල්ලා තිබිණි.
කෙසේ වෙතත් සාමාජ මාධ්ය ඔස්සේ සංසරණයවන හඬ පටය සම්බන්දව ලංකා ගල් අඟුරු සමාගමෙ සභාපති ජයන්ත රත්නායක ලිඛිතව ප්රකාශ කර තිබුනේ එම සංවාදය මාර්තු මස 25 වැනිදා සමාගමේ සාමාන්යාධිකාරී සහ ගල් අඟුරු සැපයුම් සමාගමේ දේශීය නියෝජිතයාගේ නිලධාරියෙක් අතර සිදුවූවක් බවය.
තමන් ටෙන්ඩර් මණ්ඩලය හරහා නිසි සුදුසුකම් ලත් මෙන්ම කැබිනට් අනුමැතිය ද සහිතව කොන්ත්රාත් ප්රදානය කර තිබූ සැපයුම්කාර සමාගමේ දේශීය නියෝජිතයා අමතා ඊට අදාලව බැංකුව නිකුත් කරන කාර්ය සාධන ඇපකරය එම බැංකුව නිකුත් කරන ලද දිනය වන 2026 මාර්තු 25 දිනැතිව ලබාදීමක් කරන ලෙස දැනුම් දීමක් කළ බව සභාපතිවරයා පෙන්වා දෙයි.
ඊට අදාල හඬ පටයක් විවිධ අර්ථ ගැන්වෙන අයුරින් විකෘති කර සමාජ මාධ්ය ඔස්සේ ප්රචාරය කෙරෙන බවත් හදිසි ගල් අඟුරු සැපයුම සහ අදාල ටෙන්ඩර් පටිපාටිය සහ එම ප්රසම්පාදන ක්රමවේදය නියම ආකාරයට අනුගමනය කර ඇති බවත් එම ක්රියාවලිය සාර්ථකව ක්රියාත්මක වන බවත් ලංකා ගල් අඟුරු සමාගමේ සභාපතිවරයා පවසා තිබේ.
