2024 පළමු කාර්තුව සඳහා ලෝකයේ හොඳම කාර්ය සාධනය සහිත වරාය ලෙස කොළඹ වරාය නම් කිරීමට නාවික කර්මාන්තයේ ප්රමුඛ පෙළේ තොරතුරු වේදිකාවක් වන Alphaliner විසින් කටයුතු කර තිබේ.
Alphaliner නවතම මාසික ප්රකාශන වාර්තා දත්ත අනුව ලොව පුරා අනෙකුත් සියලුම වරායන් අභිබවා යමින් කොළඹ 23.6% ක විශිෂ්ට වර්ධන වේගය ඉස්මතු කර ඇත. 23.3% ක වර්ධන වේගයකින් ලොස් ඇන්ජලීස් හි ලෝන්ග් බීච් වරාය දෙවන ස්ථානයට පත් වි ඇති අතර 22.7% ක වර්ධන වේගයකින් ටන්ජුන් පෙලෙපාස් වරාය තෙවැනි ස්ථානයට පත් වී තිබේ.
2023 වසරේ මුල් කාර්තුවට අයත් කාලපරිච්ඡේදය හා සසඳන විට 2024 පළමු භාගය කොළඹ වරාය සඳහා ආකාර්ශනීය අගයක් හිමි කරගෙන තිබෙන බව එම වාරතා පෙන්වා දී ඇත.
ශ්රී ලංකා වරාය අධිකාරියේ (SLPA) පර්යන්ත මෙම විශිෂ්ට කාර්ය සාධනය මෙහෙයවීම සඳහා ප්රධාන වශයෙන් දායක වී තිබීම කැපී පෙනී ඇත. 2024 ජනවාරි සිට ජූනි දක්වා, SLPA පර්යන්තයන් දේශීය වෙළුම්වල 23.6% ක වැඩිවීමක්, ප්රතිනැව්ගත කිරීමේ පරිමාවන්හි 15.5% ක වැඩිවීමක් සහ 17.7% ක සමස්ත පරිමාවේ වර්ධනයක් වාර්තා කර ඇත.
දකුණු ආසියාවේ ප්රධාන සමුද්ර කේන්ද්රස්ථානයක් ලෙස උපායමාර්ගිකව කොළඹ වරාය අතිශය වැදගත්කම මේ වනවිට අන්ර්ජාතික අවධානයට ලක් වී තිබේ.
