සී ෂෙල්ස් දිවයිනේ සිට තවත් විශාල පිරිසක් ශ්‍රී ලංකාවට පැමිණ වෛද්‍ය ප්‍රතිකාර ගැනීමට සූදානමින් සිටින බව හේමාස් රෝහලේ කළමණාකාර අධ්‍යක්ෂ ආචාර්ය ලකීත් පීරිස් පැවසීය.
කොරෝනා වෛරසය පාලනය කිරීමෙන් පසු ලංකාවේ සෞඛ්‍ය සේවවා ඉතා ඉහළ මට්ටමක පවතින බවට ලෝක සෞඛ්‍ය සංවිධානයත්, ප්‍රමුඛ පෙළේ බලවත් රටවල් තුළත් පවතින විශ්වාසය නිසා ඉන්දියාව, මැලේසියාව, මොරිසිය, සංගප්පූරුව වැනි රටවලට නොගොස් ප්‍රතිකාර සඳහා ලංකාවට පිරිස් පැමිණෙන බවත්, මෑතක සිට එලෙස පැමිණෙන ප්‍රවණතාවය වැඩිවෙමින් පවතින බවත් ඔහු පෙන්වා දුන්නේය.
සී ෂෙල්ස් දිවයිනේ සිට පැමිණි 35 දෙනාගේ පී.ආර්.සී. පරීක්ෂණයට ලක් කර ඔවුන්ට කොරෝනා වෛරසය නොමැති බව තහවුරු කරගැනීමෙන් පසු වාද්දූව ප්‍රදේශයේ හෝටලයක සිට රජයේ සෞඛ්‍ය උපදෙස් පිට නිරෝධායනය වෙමින් සිටින බව හෙතෙම කීවේය.
මේ පිරිස ශ්‍රී ලංකාවට පැමිණ දින 14 සම්පූර්ණ වූ පසු නැවත පී.ආර්.සී පරීක්ෂාවට ලක් කරන අතර දින 14 ගතවන තෙක් නිරෝධායන නීතිවලට අනුගත වෙමින් හෝටලයේ රැඳි සිටිය ද අනෙකුත් රෝගී තත්වයන් පිළිබඳ හේමාස් රෝහලේ වෛද්‍යවරු නිරතුරුවම සොයා බලමින් සිටින බව ඔහු අනාවරණය කළේය.
මේ පිරිස තමන්ගේ ආහාර විදයම් ඇතුළු සියලු වියදම් ඔවුන් විසින්ම දරන බව පැවසූ ඔහු නිරෝධායන කටයුතු අධීක්ෂණය සඳහා ශ්‍රි ලංකා හමුදාවේ වෛද්‍යවරයෙක් හා නිරෝධානය කණ්ඩායමක් යොදවා තිබෙන බව ද සඳහන් කළේය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
ප්‍රතිකාර සඳහා පැමිණි සී ෂෙල්ස් ජාතිකයන් කීහිප දෙනෙක් වෙත ඉතා ඉක්මනින් ප්‍රතිකාර ලබා දීම අත්‍යවශ්‍ය බවත්, ලංකාව කෙරෙහි විශ්වාසය තබා පැමිණි ඔවුන්ට අවශ්‍ය ප්‍රතිකා කඩිනමින් සිදුකර නීරෝගීව ඔවුන්ගේ රටට යවා විශ්වාසය තහවුරු කරගත යුතු බත් ඒ වෙනුවෙන් නිරතුරුව වෛද්‍යවරු කැපවී සිටින බවත් කළමණාකාර අධ්‍යක්ෂ ලකිත් පීරිස් කීවේය.