සූරියවැව නුවන් ජයසේකර
-
57 හැවිරිදි ධීවර කුපාඩියෙක් අත් අඩංගුවට… තංගල්ල පොලිසියේ ඉදිරි කටයුතු ගැන රටම අවධියෙන්….
තංගල්ල මුහුදු තීරයේදී කකුළුවන් පෙන්වන ව්යාජයෙන් කැඳවාගෙන ගොස් ජර්මන් කතකට අතවර කළ 57 හැවිරිදි ධීවරයෙක් තංගල්ල පොලිස් ස්ථානයේ ළමා හා කාන්තා කාර්යංශයේ නිළධාරීන් විසින් ඊයේ ( 14 ) සවස අත්අඩංගුවට ගෙන තිබේ.
ධීවරයා මෙම අතරවරය කර ඇත්තේ තංගල්ල පොලිස් වසමේ පල්ලිකුඩාව පන්සල අසල පිහිටි මුහුදු තීරයේ ඇවිදිමින් සිටි සංචාරක ජර්මන් ජාතික කාන්තාවකටය.
වාර්තාවන පරිදි සිද්ධිය මෙසේය.
අතවරයට පත් ජර්මන් ජාතික කාන්තාව ඇතුළු කිහිප දෙනෙකු පසුගිය 03 වන දින සිට සිනිමෝදර, නාකුළුගමුව පිහිටි සංචාරක නිකේතනයකට ලැගුම් ගෙන සිටින ඇත. ඊයේ ( 14 ) දින සවස අතවරයට පත් කාන්තාව තංගල්ල පල්ලිකුඩාව පන්සල අසල පිහිටි මුහුදු තීරයට ඇවිදිමට ගොස් තිබේ.
එහිදී මෙම ධීවරයා මුහුදු තීරයේ ඇවිදිමින් සිටි ජර්මන් ජාතික කාන්තාව අසලට ගොස් තමන් ධිවරයෙකු බවත් කකුළුවන් බැලීමට කැමති නම් පෙන්විය හැකි බවත් පවසා ඇය මුහුදු තීරයේ එක් ස්ථානයක් වෙත රැගෙන ගොස් ඇත.
පසුව මෙම ධීවරයා එහිදි ඇයට අතවර කර තිබේ. එම කාන්තාව ඔහුගෙන් මිදී පළාවිත් මේ පිළිබදව 119 පොලිස් හදිසි ඇමතුම් අංශයට දැනුවත් කර තිබේ.
ඒ අනුව එම ස්ථානයට පැමිණි පොලිස් නිළධාරීන් සිදුකල විමර්ශනවලදි අදාල සැකකරු අත්අඩංගුවට ගෙන පොලිස් ස්ථානය වෙත ඉදිරිපත් කර තිබේ.
සැකකරු තංගල්ල මහේස්ත්රාත් අධිකරණයට ඉදිරිපත් කිරිමට නියමිත අතර සිද්ධිය සම්බන්ධයෙන් තංගල්ල් කොට්ඨාසභාර ජ්යෙෂ්ඨ පොලිස් අධිකාරී වරයාගේ උපදෙස් පරිදි තංගල්ල පොලිස් ස්ථානයේ ළමා හා කාන්තා කාර්යංශයේ නිළධාරීන් විසින් වැඩිදුර විමර්ශන පවත්වයි.
